Azaroaren 10ean hartutako argazki honetan, ikus daiteke zer dagoen Gobela ibaiaren hondoan: burdinak, zur-zatiak, lokatza... Ez bada garbitzen, euria egiten duen bakoitzean, ondoan bizi garen auzotarrok beldurrezko uneak behin eta berriz biziko ditugu. Ez dugu gehiago eskatzen, hondoa garbitzea eta behar diren neurriak hartzea. Ez dakigu nor den erantzulea: URA Jaurlaritzako Uren Agentzia, edo Getxoko Udala, baina norbaitek egin beharko du zerbait. Bestela, ekainaren 1eko uholdeak ez dira salbuespena izango.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun