Uribe Kostako Amnistiaren Aldeko Mugimenduak
Etengabe bitakoran iragarri duenez, azaroaren 28an, ostiralarekin, egingo zaio ongi etorri ekitaldia orain aste batzuk espetxetik irtendako Mikel Saratxo gazte algortarrari. Ekitaldia Txiki eta Otaegi plazan izango da 19:30ean, eta ondoren, manifestazioa eta herri-afaria egingo dira. Afarirako txartelak ohiko lekuetan egongo dira salgai. Saratxo urriaren 31n libre geratu zen. Bera, Arkaitz Goikoetxea, Aitor Kotano, Iñigo Gutierrez eta beste 5 lagun ere uztailaren 22an atxilotu zituen Guardia Zibilak; Bilbon, Algortan, Elorrion, Galizian eta Malagan egindako operazioan, Bizkaia komandoko kide edo laguntzaile izatea leporatuta. Bi egun geroago Inge Urrutia algortarra harrapatu zuten eta handik hiru egunera aske utzi, Adur Aristegi eta Libe Agirre elorrioarrekin batera, 12.000 euroko fidantza ordaintzeko baldintzapean. Guztiek
torturak salatu zituzten. Saratxo fidantzarik gabe askatu badute ere Fiskaltzak gaztearen aurkako kargu guztiak mantentzen ditu eta astero sinatu behar du. Argazkian, Saratxoren eta beste hiru gazteen
atxiloketak salatzeko Algortan egindako mobilizazioetako bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun