Emakumeenganako indarkeriaren aurrean "errealitatea desitxuratzea" egotzi diote Getxoko Udalari
Gaur iluntzean, Algortako Telletxe plazatik Areetako Bizkaiko Zubi ondora, martxa deitua zuten Algortako Emakume Gazteon Asanbladak (AEGA) eta Bilgune Feministak. Hala ere, euriak metroa hartzera behartu ditu. Hala ere, aurretik 20 bat lagun elkarretaratzea egin eta eskuorriak banatu dituzte. Horietan, emakumeenganako indarkeriaren aurrean "errealitatea desitxuratzea" egotzi dio Getxoko Udalari Emakume Gazteon Asanbladak. Azaldu dutenez, "udan egondako eraso sexisten aurrean, Algortako emakumeok antolatu eta erantzun genuen". Egindako ekimenen artean, atari guztietan idatzia jarri eta Portu Zaharreko jaietarako txilibitua banatu zuten, autodefentsa tresna giza. Tokiko erakundeak, ordea, "gezurtitzat eta alarmistatzat" jo zituela salatu dute neskek. Argazkian, gaur iluntzean Telletxe plazan egindako elkarretaratzea.
"Kaleratutako prentsa oharrean esandakoak errektifikatzeko ere eskatu genien, gertakari batzuen frogak eramanez. Gaur da eguna, A-25erako adierazpen instituzional bat egiten duten, indarkeria deuseztatuz eta aurpegia zurituz, baina udan egindakoaren zuzenketarik egin gabe; hanka sartzea argitu gabe", azaldu du Algortako Emakume Gazteon Asanbladak. Euren ustez, "udalek martxan jarri ditzaketen prebentzio mekanismoak asko dira. Baina, borondatea, interesa eta bitartekoak ezinbestekoak dira egoerari aurre egin eta aldatzeko. Honetan ipini beharko lukete indar guztiak egoerak desitxuratu eta estali beharrean".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun