Bertan irakurritako komunikatuan, egoeraren larritasunaren salaketarekin batera, jendarte osoaren arazoa zela kaleratu genuen, baita instituzioei egoera aldatzea lortuko duten bitartekoak exijitu ere. Udalean gobernatzen dauden aurpegi guztiak ikusi genituen kontzentrazio horretan, aukera ona ote aurpegia zuritzeko.
Bada garaia hitzetatik eta argazkietatik konpromezu eta ekintzetara pasatzeko. Guzti hori aurrekontuetan igartzeko eta duela lau urte diseinatutako berdintasun plan eder hori aurrera eramateko.
Udaleko agintarien lana, erantzukizuna eta eragiteko gaitasuna zein den gogora ekarri behar dugu, atzoko kontzentrazioan erantzulerik egongo ez balitz bezala egon ginen-eta!
Bitartean, emakume guztiei dei egiten diegu autodefentsa pertsonal zein kolektiborako! Denon ardura delako, emakumeon kontrako indarkeriari aurre egin behar diegu.
Euskal Herri feminista bat sortzera goaz!
Lur Moragues (Bilgune Feministako kidea)
Lur Moragues (Bilgune Feminista): Bada garaia hitzetatik eta argazkietatik konpromezu eta ekintzetara pasatzeko
Bilgune Feministakook, Algortako Emakume Gazteen Asanbladarekin batera, martxa bat deitu genuen 18:00etan Telletxetik Bizkaiko Zubiraino (ez zen egin euriagatik. Kontzentrazio bat egin genuen eta gero areetara metroz joan ginen). Telletxen deitu genuen, emakumeok antolatzeko eta autodefentsarako deia egiten genuen. Egoera larria izaten jarraitzen du eta, nahiz eta hobetu den iruditu. Martxa Bizkaiko Zubian amaitzearen helburua, bertan 19:30ean egongo zen kontzentraziora batzea izan zen. Bertako kontzentrazioa Getxoko emakume elkarteek eta Bilgune Feministak deitzen genuen, baina inpresioa bestelakoa izan zen! Udalak antolatutako kontzentrazio baten aurrean geundela ematen zuen, diskurtsoa mugimendu feministarena bazen ere. Argazkian, atzo Areetako Bizkaiko Zubiko plazan egindako elkarretaratzea / Urtzi Altube - Ilanda.eu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun