Bitartean, Ikasle Abertzaleek (IA) deituta, kontzentrazioa egin zen Medikuntza Fakultatean eta segurtasun zaindariekin "negoziatu" zuten Estebanen ekitaldira bi ikasle sartu zitezkeen, galderak egin ahal izateko. Hala ere, hautagaiak "ez entzunarena" egin zuen ikasleen arabera.
Bitartean, abenduaren 4an izango diren EHUko Errektoretzarako hauteskundeetarako, abstentzioa eskatzeko spota plazaratu dute:
Estebanek eta Goirizelaiak "berriro ere ikasleei bizkarra eman" dietela salatu dute
Leioa eta Erandioko campusean izan ziren atzo Marisol Esteban eta Iñaki Goirizelaia EHUko Errektoretzarako hautagaiak. Hala ere, "beste behin ere ikasleei hitza ukatu eta bizkarra eman" zietela salatu du UPV Español! izeneko bitakorak. Estebanek eguerdiko 12etan zeukan hitzordua Medikuntza Fakultatean. Protestan zebiltzan ikasleek diotenez, "hitzaldia irekia zen", baina "sarrera ukatu" zieten, beste ikasle batzuei inolako arazorik gabe sartzen utzi zieten arren". Beste hautagai goirizelaiak, egungo EHUko errektoreordeak, berriz, Lan Harreman eta Zuzenbide Fakuntatean zeukan ekitaldia, 12:30ean. Ikasleek diotenez, "ez zela ongi etorria" adierazi zioten, baita kartelekin atzetik jarraitu, autoraino egin zuen bidean. Argazkian, ikasleak Goirizelaiari kartelekin segika / Gaztesarea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun