Herri gunea hondartzetatik "gertuago" egoteko lanak egiten dabil Sopelako Udala
2008ko aza. 26a, 19:24
Sopelako Udalak urbanizazio lanak egiten dabil Zipiriñe ikastetxe publikotik gertu eta Bareño eta Asu esparruetan. Obrak bukatuta, Atxabiribil eta Arrietara etorbideak, hondartza biak eta Uribe Kostako korridorea lotuta geldituko dira, tokiko iturrien arabera. Horrela, herri gunea eta hareatzak gertuago egongo dira. Horretaz gain, gerturatze horri laguntzeko, Loroño errotondatik gertu zubi bat eraikiko dute. Udal arduradunen arabera, lan guzti horien bitartez, etxebizitza berriak ere egin ahal izango dira, "Sopelako plangintza orokorrak arautzen duenari jarraituz". Bitartean, Udalak barkamena eskatu die herritarrei gisa horretako lanek eragin ditzaketen eragozpenengatik. Eragozpen horiek "ahalik eta txikienak" izan daitezen saiatuko direla aipatu dute. Hala ere, ez dute obrak bukatzeko datarik eman. Argazkian, Zipiriñe ikastetxe alboko lanak.Zehazki, bi zati hartzen dituzte urbanizazio lanek. Horietako bat 8.1 exekuzio-gunean dago, herri gunetik ekialdera, Zipiriñe ikastetxe publikotik gertu eta Zabalbide, Akilino Arriola, Errotabarri eta Loiola Ander Deuna kaleekiko mugakidea da. Halaber, obra horiek Zabalbide kalearen azkentzea erraztuko dute. Bigarren lanak Bareñon eta Asun egiten dabiltza, bertan dauden urbanizatzeko moduko eremuetan. Udaleko 2. banaketa gunean daude biak. Asuri dagokionez, Loiola Ander Deuna, Zientoetxe bidea, Arriatera Etorbidea, eta Asu bideen artean dago esparrua. Bere aldetik, Bareñokoa, Asubide, Zientoetxe bidea, Atxabiribil etorbidea eta Loiola ander Deunaren artean dago.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun