Azken asteburura heldu da Lutxanako eskola zaharreko Azaro Kulturala
2008ko aza. 27a, 19:49
Hilabete hasieran abiatu zen, Lutxanako eskola zaharrean, Tirante Plataformak antolatutako Azaro Kulturalaren zazpigarren edizioa. Dagoeneko hiru aste igaro dira eta ostiral honetatik igandera bitartekoa izango dute azken asteburua jardunaldiek. Gauzak horrela, bihar, "Equipo infierno I" musikatutako ikuskizuna eskainiko du Equipo Infierno taldeak, 20:00etan. Geroago, 23:00etan, batetik Osa & Cerezos Proyect taldea eta bestetik DJ Argik emango dute kontzertua. Larunbatean ere bi saio izango dira: lehenengoa, 20:30etik aurrera, Gabriel Ocinaren "El lobo y el alma" antzezlana. Eta bigarrena, 23:00etako jam sessiona. Aurtengo Azaro Kulturalari amaiera emateko, herri bazkaria eta postre lehiaketa, hankapaluak, film laburrak eta inprobizazio txapelketa izango dira igande osoan zehar, Lutxanako eskola zaharrean.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun