Sopelako Udalak zenbait ekitaldi antolatu ditu azaroaren 30eko San Andres eguna ospatzeko. Horrela, 11:00etan hasita, kalejira egingo dute Barinatxe txistulari taldearekin, udaletxetik baselizara. Eguerdian, 12:00etan, meza izango da bertan, eta ondoren, ohorezko aurreskua eskaini ostean, hamaiketakoa eta erromeria egongo dira. Urtero legez, autobus zerbitzua egongo da udaletxeko plazatik baselizara joateko 11:15etik aurrera. Ekitaldiak amaitu ostean plazara itzultzeko autobusak 13:00etatik aurrera irtengo dira, 30 minuturo. Bitartean, Barrikako Udalak antolatuta, Goierri auzoan ospatuko dute San Andres eguna. Aurretik (11:00) meza egin ostean, 11:30ean, bertso saioa eskainiko dute plazan, Xabier Amurizak eta Sebastian Lizasok. Azkenik, hamaiketakoa egongo da azaldutako pertsona guztientzat. Argazkian, San Andres egunean baselizan batzen dira sopeloztarrak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun