Botoa aldez aurretik emateko aukera beste hauteskunde batzuetan bozka postaz ematea bezalakoa da, EHUko arduradunen hitzetan. Adierazi dutenez, "horri esker, unibertsitateko kideek botoa eman dezakete hauteskundeen eguna baino lehen". Ikasle eta irakasleek ikastegietako zuzendaritzetan eman ahal izango dute botoa aldez aurretik eta Administrazio eta Zerbitzuetako langileek, berriz, campuseko errektoreordetzetan. Ordutegia ikastegi edo campus bakoitzak zehaztuko du.
Sufragio unibertsal haztatua
Marisol Esteban eta Iñaki Goirizelaia artean errektorea aukeratzeaz gain, abenduaren 4an Klaustrorako hauteskundeak ere egingo dira, zenbait ikastegitako irakasleen bi sektoreetako ordezkariak eta ikasleen ordezkariak aukeratzeko. Klaustroko hauteskundeetarako ere badago botoa aurrez emateko aukera. Errektorea sufragio unibertsal haztatuaz hautatzen da. Botoa ematera deituta dauden 52.236 hautesleak honetara daude banatuta: 45.553 irakasle doktore iraunkorrak dira, 1.708 bestelako irakasleak; eta 52.236, berriz, AZPko langileak. Botoa honela haztatuko da: %51 irakasle doktore iraunkorrek; %18 bestelako irakasle eta ikertzaileek; %20 ikasleek eta %11 administrazio eta zerbitzuetako langileek.
Gaur hasi da botoa aldez aurretik emateko hiru eguneko epea, EHUko errektorea eta Klaustroa aukeratzeko hauteskundeetan. Guztira 52.236 ikasle, irakasle eta administrazio eta zerbitzuetako langile daude bozkatzera deituta. Asteazkenean denbora tarte hori amaitu eta ostegunean, abenduak 4, izango dira hauteskundeak EHUn. Botoa aldez aurretik eman nahi duenak gutun-azal ofizial batean sartu beharko du. Behin itxita, hori eta DNI txartelaren fotokopia bat (edo errektorea aukeratzeko arautegian adierazitako beste dokumentuetako baten fotokopia bat) beste gutun-azal batean sartu beharko dira, eta dagokion mahaiburuari zuzendu. Gutun-azal horren kanpoaldean hauteslearen izen-abizenak eta zein taldetako kidea den adierazi beharko dira; hautesleak hegalean sinatu eta zinta itsasgarriarekin ondo itxiko du, unibertsitateko iturriek zehaztu dutenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun