Gainera, artista gazteek esperientzia praktikoa dute Getxoarte eta bere lanetan interesa duten pertsonekin zuzeneko harremana izan dezaten, bai publikoko jendearekin bai sektoreko profesionalekin. Horrela, modu natural eta profesionalean, parte hartzaileek, inolako oztoporik gabe, beren lanak gustuko duten ikusleekin hitz egin dezakete zuzenean.
Lau egunez, Areetako Xake plazako orain arte anonimo izan diren baina etorkizun oparoa duten artisten lanen erakustoki erraldoia izango da. Erakusketak oso genero ezberdinak hartzen ditu: pintura, eskultura, argazkia, bideoa, marrazkia eta grabatuaz gain eta estetika erlazionaleko lanak, izango dira ikusgai. Horrela, ekitaldi honetara datozen bisitariek ikuspegi oparoa izango dute begien aurrean.
Getxoarten aukera artistiko guztiak sartzen dira, proiekturik pertsonalenetatik hasita eta taldeko proiektuetaraino. Gainera, euskal arte produkzio garaikidearen orainaren eta etorkizunaren irudi bizia da. Aurtengo partaide gehienek Euskal Herriko Unibertsitateko Arte Ederren Fakultatean ikasten dute. Getxoartek lankidetza estua dauka fakultate horrekin hain zuzen ere.
Bihartik aurrera Areeta arteaz beteko dute Euskal Herriko artistek
2008ko abe. 4a, 15:33
Getxoarte erakusketaren aurtengo edizioak bihar, ostirala, hilak 5, zabalduko ditu bere ateak Areetako Xake plazako karparen pean. Bertan, astelehenera arte, 57 artista gaztek erakutsiko dituzte beren lanak. Ekimen horren helburu nagusia "Euskal Herriko arte plastiko eta ikus-entzunezko sorkuntza berria" bultzatzea eta sustatzea da, Getxoko Kultur Etxeko teknikariek jakinarazi dutenez. Getxoarteko ikusleek hainbat motatako lanak izango dituzte ikusgai: pinturak, argazkiak, marrazkiak, grabatuak eta ikus-entzunezkoak, besteak beste. Aretoaren ordutegia honako hau da: 11:00etatik 14:00etara eta 17:00etatik 21:30era. Orain dela zortzi urte sortu zen Getxoarte, Arte Sortu Berrien Aretoa, arte proposamenik gazteenak erakusleiho bilakatzeko eta, era berean sortzaile berriek euren lana ezagutzera emateko asmoz. Gainera, oraindik Getxophoto jardunaldiei loturiko materiala eskuratu ahal izan ez duenak bertan izango du erosteko aukera. Argazkian, artea eta jendarte kritika bateragarriak direla erakusten duen lanetariko bat.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun