Arantza Bifidoaren eta Hidrozefaliaren Bizkaiko Elkarteko (ASEBI) Ines Orellak eta Gaixo Psikikoen eta horien Senideen Bizkaiko Elkarteko (AVIFES) Pilar Uribek jaso dute 2008ko pertsona boluntarioaren saria. Getxoko Boluntariotza Erakundeen Federazioak (FEGEVOL) bart egindako Boluntarioen XV. Topaketan egin zieten gorazarre biei. Bestalde, Bizkaiko Minbiziaren Kontrako Elkarteak jaso zuen 2008ko elkarte boluntarioaren saria. Ines Orellak 34 urte ditu eta ASEBIrekin duela 9 urte ari da elkarlanean, elkartearen hainbat programatan, eta gaur egun elkarteko burua da. Sariak prestakuntza teknikoa lortzeko burututako norberaren esfortzua aitortu nahi dio, erantzukizuna duen lanpostua lortzeko eta hortik ere bere inplikazioarekin eta konpromiso solidarioarekin segitzeko, Getxoko Udaleko Gizarte Zerbitzuek adierazi dutenez. Bestalde, Pilar Uribek 77 urte ditu, eta bere ibilbide luzea aitortzeko saria jaso du. Besteak beste, 18 urte daramatza boluntario lanean AVIFESen. Argazkian, Orella, Uribe eta Minbiziaren kontrako Bizkaiko Elkarteko ordezkaria, atzoko saioan.
Denboraldi horretan hainbat lan egin ditu Uribek, horien artean, tailerrak eskaintzea, elkartearen publizitatea zabaltzea eta laguntzeko senideen taldetan eta elkarteko zuzendaritza taldean parte hartzea. Azkenik, Minbiziaren kontrako Bizkaiko Elkarteak 55 urte daramatza herritarrei zerbitzu eta programa batzuk eskaintzen, besteak beste, arreta psikologikoa, gizarte arreta, prebentzioa, osasunaren aldeko hezkuntza eta ikerketa onkologikoa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun