Xabier Mendiguren Kontseiluko idazkari nagusiak adierazi duenez, “une honetan bai euskarari esatetik euskaraz bai esaterako pausoa eman behar dugu, bide horretan, euskararen normalizazioan konpromisoak hartzeko garaia dugu hau. BEC-en datorren astean egingo dugun ekitaldian pauso bat harago joateko lehen urratsa egingo dugu”. Herritarrak BEC-era joateko deia ere egin du Mendigurenek “ekitaldi garrantzitsua izango da hau, euskaltzaleok galdu ezin duten zita”, adierazi du.
Kontseiluak, bestalde, dagoeneko abenduaren 13ko ekitaldira joateko milaka gonbidapen eskatzaileen etxeetara banatu badira ere, oraindik eskuratu ez dutenentzat sarrera lortzeko beste bide batzuk ahalbidetuko dituela iragarri du gaur.
Dagoeneko Bilboko Elkar Megadendetan daude eskuragai sarrerak (Poza lizentziatua, 11; Zamudioko ataria z/g eta Iparragirre, 26). Gainera, Durangoko Azokan bertan ere egongo da sarrerak eskuratzeko aukera, “Berria” egunkariaren (Barrenkale, 7-8) eta Euskal Herrian Euskarazen erakustokietan (Barrenkale, 2).
Durangoko Azokan eta Bilbon ere eskura daitezke Euskaraz Bai ekitaldirako sarrerak
2008ko abe. 6a, 21:18
Euskararen Gizarte Erakundeen Kontseiluak abenduaren 13an BEC-eko Bizkaia Arenan gauzatuko duen ekitaldira joateko deia luzatuko du Durangoko Azokan, azken asteotan Uribe Kostan, Erandion eta beste hainbat herri eta hiritan egin duen moduan. "Euskaltzaleontzat galdu ezinezko zita izango da BECekoa, benetako mugarria ", adierazi dute Kontseiluko kideek. Horrela, gaur, abenduak 6, euskalgintzaren nazio elkargune hori sortu zeneko 11. urteurrena bete den egunean, beren konpromisoa berretsi eta euskararen aldeko lanean "pauso bat harago " joateko eskatuko die Kontseiluak herritarrei Durangoko Liburu eta Disko Azokaren baitan. Agerraldia 13:00etan egin dute, Landakon, "Pauso bat harago, Euskaraz bai " goiburupean. Bertan, euskalgintzako ordezkariek eta herritarrek hilaren 13an BEC-era joateko deia luzatu dute. Horretarako, oraindik doako sarrera eskuratu ez dutenentzat hainbat aukera zabaldu dituzte. Durangoko azokan bertan, "Berria" eta EHEren saltokietan har daitezke, baita Bilboko Elkar Megadendetan ere. Eskualdean, berriz, Getxo udalerriko Euskal Herrian Euskaraz taldeak hurbilduko dizkie egun hauetan Durango eta Bilbotik igarotzeko aukera ez dutenei. Eskaerak guehe[abildua]euskalerria.org posta elektronikoan egin daitezke.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun