Igandean, gaueko 11ak aldera, Kukularrako zubi parean, Erandion, istripua izan zuen furgoneta bat ikuskatzera joan ziren Bizkaiko Trafiko Unitateko agenteek. Ibilgailu barruan, umetxoa eta emakume bat aurkitu zituzten. Kanpoan, berriz, gidatzen ari zen gizonezkoa zegoen, metalezko hezi bati helduta. Eusko Jaurlaritzaren Herrizaingo Sailaren arabera, gizonari galdetuta, "edari alkoholdunen eraginpean zegoela antzeman" eta atxilotu egin zuten, errepide segurtasunaren kontrako delitua egotzita. Ondoren, emakumeari galdetu zioten ertzainek. Istripua izan aurretik, gizonak bera eta bere semea jo zituela eta furgonetatik irteten ez zituela utzi adierazi zuen andreak, polizia iturrien arabera. Enekuriko gasolindegi parean, burua leihatilatik aterata laguntza eskatu zuela gaineratu zuen atxilotutakoaren bikotekideak. Eta orduan ere jo egin omen zuen. Hori dela eta, 28 urteko mutilari genero indarkeria delitua egotzi diote. Argazkian, azaroaren 25eko kontzentrazioa Erandion.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun