Ikastaroak lau orduko jardunaldi praktikoa izango du, eta horretarako, lan‑arropa egokia eraman beharko da. Inausteko tresnarik izatekotan (aizturrak edo zerroteak), hobe eramatea, bakoitzak bere tresnekin lan egin dezan.
Otsailean egindako ikastaroak izan zuen arrakasta ikusita, datorren urterako ere inausketa eskolak emango ditu Uribe Kostako Zerbitzu Mankomunitateak. Oraingo honetan, gainera, bi aukera egongo dira: oinarrizko inausketa ikastaroa, hasiberrientzat; eta inausketa ikastaro aurreratua, aurrekoan parte hartu zutenentzat. Biak ala biak 2009ko otsailean egingo dira, larunbatetan, 10:00etatik 14:00etara. Hala ere, ikastaroa aste barruan egiteko nahikoa eskari balego, astegunetako taldeak ere atera litezke, tokiko arduradunen arabera. Plaza‑kopurua mugatua da. Eta erreserba egiteko, kontuan hartuko da zein egunetan entregatu den izena emateko orria (doc). Hori mankomunitatearen webgunetik (www.uribekosta.org) atera daiteke, edo, bestela, mankomunitateko bulegoetan eskatu. Batetik, posta arruntez edo eskuz entregatu daiteke orria, Larrabasterrako Gatzarriñe kaleko 4. zenbakian. Horretaz gain, agenda21[abildua]uribekosta.org eta kosta[abildua]uribekosta.org helbideak jarri dituzte e-postaz bidaltzeko. Eta telefaxez izena emateko aukera ere badago, 946 762 872 telefono zenbakian. Eskari‑orriak jasotzeko azken eguna 2009ko urtarrilaren 30a izango da. Eskari‑orriak jasotzeko azken eguna 2009ko urtarrilaren 30a izango da. Ikastaroa Uribe Kostako Mankomunitateko zazpi udaletako batean erroldatuta daudenentzat baino ez da. Argazkian, gizon bat inausketa lanetan / Pasaian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun