Datorren ikasturtean moda diseinua irakatsiko dute EHUn
2008ko abe. 9a, 19:04
EHUko Arte Ederren Fakultateari 120.000 euroko diru-laguntza ematea erabaki du gaur Bizkaiko Foru Aldundiko Gobernu Kontseiluak, 2009 eta 2010 urteetan moda diseinuaren arloko titulu propioa martxan jarri eta gauzatzeko jarduerak finantzatzeko. Ekimen horren bidez, arlo horretan trebatzeko, tituludunak beste unibertsitate batzuetara joatea ekidin nahi du Euskal Herriko Unibertsitateak. Gauzak horrela, moda diseinuko titulu propioa ezarriko dute 2009/2010 ikasturtean, Leioa eta Erandioko campusean dagoen Arte Ederren Fakultatean. "Titulazio propioaren xedea da ikasketa ofizialen planetan jasota ez dauden ikasketak eskaintzea eta goi mailako tituludunen prestakuntza akademikoa osatzea, garapen profesionala, zientifikoa, teknikoa edo artistikoa hobetuz", foru iturriek adierazi dutenez. Argazkian, Arte Ederren Fakultatea barrutik.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun