"Zergatik 9,5. edizioa?" galdetuko du irakurleak. Bada antolatzaileen arabera, "10.a berehala ospatuko da, eta berezia eta desberdina izatea nahi dugu, horregatik deitu diogu honi Hatortxurock 9.5". Horrela, 10. edizioa urte hasieran aurkeztuko dute.
Hatortxurocken "baliorik handiena kontzertuak dira eta aurten, lehen esan bezala, bi karpa erraldoietan egingo dira, bost taldek joko dute hauetako bakoitzean, modu intermitentean; eta, jakina, festa erabatekoa izan dadin, hainbat DJ izango ditugu gure artean. Karpa bakoitzean kontzerturik ez dagoen bitartean arituko dira DJ hauek", azaldu dute antolatzaileek.
Hatortxurock jaialdiaren 9.5 edizioa egingo dute datorren urtarrilaren 10ean Berriobeitin. "Hator, hator neska mutil etxera, errepresaliatu politiko eta euren senitartekoen aldeko kontzertua" lelopeko festibalerako sarrerak jada eros daitezke Leioako Kurkudi tabernan, 18 euroren truke. Berriobeitin, EH Sukarra, Zea Mays, Hesian, Su Ta Gar, Kauta, Deskontrol, Txarrena, Kop, Anestesia eta Tximeleta arituko dira bertan paratuko dituzten bi oholtzetan. Hatortxurock 1999. urtean egin zen lehen aldiz, eta bere 6. ediziora arte beti abenduan egiten bazen ere, 7.enetik aurrera urtarrilean egin izan da. 9,5 edizioa berriro ere hilabete horretan izango da, bosgarren urtez Berriobeitin. Oraingoan, ordea, hainbat aldaketa dakarzkigu iazko edizioarekin alderatuta: alde batetik, iazko esperientziaren ondoren, aurten egun bakar batean egingo da, urtarrilaren 10ean, larunbata. Beste aldetik kontzertuetarako bi karpa erraldoi egongo dira. Kontzertuak 19:00etan hasiko dira, puntu-puntuan. Sarrerek 18 euro balio dute aldez aurretik erosita eta 21 bertan erosten badira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun