Ofizialki, Euskararen Nazioarteko Eguna abenduaren 3an izan arren, larunbat honetan ospatuko dute Barrikan. Horrenbestez, 12:30ean abiatuko dute Euskal Musika Jaia, udaleriko haur, gazte zein nerabeei zuzenduta. Musikaz Blai elkarteak jarriko dio soinua horri, beren gitarra, trikitixa, pandero, txistu, txirula, dultzaina eta albokarekin. Musikaz Blaik Xirula-Mirula Bizkaiko Musika Eskolaren eskutik eman zituen lehen pausuak, eta ikastaroak, euskarazko musika tailerrak eta musika jaiak sustatu eta antolatzen ditu. Hala ere, aurretik, 12:00etan, Liburutegien Eguna ospatuko dute. Ordu horretan, irakurketarako gida eta orri-markatzaile bereziak banatuko dituzte, Eusko Jaurlaritzako Liburutegi zerbitzuak eta Euskal herriko Udal liburutegiek sustatutako ekimena ezagutzera emateko asmoz. Argazkian, hainbat neska-mutil denbora pasan udako liburutegian. Argazkian, txiki zein handiak dantzan.
Aurten Liburutegien Nazioarteko Eguna kultura aniztasuna du ardatz nagusia, eta ekimenaren bidez, liburutegiak integrazio kulturalerako esparru izan daitezen bultzatu nahi izan da. “Berea, gurea: tolerantziarako irakurketa” gidak 50 narrazio eta ipuinetik gora dauzka eta, horietan, berdintasuna, tolerantzia eta aniztasuna bezalako baloreak lantzen dira. Liburutegira joaten diren pertsonei zuzendua dago.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun