1998an, HBk bere lekua utzi zion Euskal Herritarrok plataformari eta horrek Batasuna alderdi berriari. 2003an, Espainiako Auzitegi Gorenak hirurak ilegalizatu zituen.
Pasa den apirilean, polizia ezberdinen oldarpenei eutsiz eta saihestuz Durangon eta beste herri batzuetan egin ziren ekitaldietan, ezker abertzalearen iritziz, urte hauetan guztiotan egindako lanari esker, berriro ere Euskal Herria aldaketa politikoaren fasean dago eta oraingoa “sekulako garrantzia” daukan unea da. 1978an legez, “definitzeko garaia” heldu dela uste dute: “edo beste iruzur baten bitartez Konstituzioaren botapean zapalduta jarraitu edo marko barri bat abiatzea non aukera politiko guztiak egingarri diren, independentzia barne”. Ezker abertzaleak mahai gainean proposamen zehatza daukala azaldu zuten: Marko Demokratikoaren proposamena.
HB sortu zela 30 urte direla gogoratuko dute igandean Sopelan
2008ko abe. 12a, 20:53
Sopelako ezker abertzaleak igande honetan, hilak 14, oroituko du Herri Batasuna orain dela 30 urte sortu zela. Abagune horretarako Tasio Erkizia (argazkian) HBko Mahai Nazionaleko kide ohia eta ezker abertzalearen militante historikoaren presentzia izango dute. Ekimena 12etan hasiko da herriko frontoian eta ekitaldi politikoaren ostean, herri bazkaria izango da. HB, Hego Euskal Herriko alderdia, Nafarroako Altsasu herrian sortu zen 1978ko apirilaren 27an, Franco diktadorea hil ondoren Espainiako Estatuaren egituran oraindino osatzeko zegoen testuinguru historikoan. HBn lau alderdi batu ziren, KAS alternatibaren inguruan: Eusko Abertzale Ekintza, ESB, Hasi eta LAIA. Ondoren, lehenengo kongresua egingo zuten Lekeition. Alderdiak 1979an lehiatu zen lehenengo aldiz hauteskunde batzuetan, 170.000 boto eskuratuz. Sopelan, urte horretako udal hauteskundeetan, HBk 13 zinegotzietatik 5 lortu zituen, 743 botoz (%30,8). Aurretik, EAJk 1.162 boto (%48,2) eta 7 zinegotzi erdietsi zituen. Udalbatza PSOEk osatu zuen hautetsi bakarrarekin (222 boto, %9,2).Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun