"Basatiki torturatu" dituzte Guardia Zibilak atxilotutako eskualdeko bost lagunak

Espetxeratuek sasietan zebiltzanak ezkutatu eta muga pasarazteko eta ETArekin harremanetan jartzeko "sare ziur" bat osatzen zutela bi orrialdetan argudiatu du Santiago Pedrazek. Horretarako, Mari Mertxe Alcocerren deklarazioak helduleku gisa hartu ditu epaileak. Izan ere, bera izan da bakarra guardia zibilaren esku egindako deklarazioak epailearen aurrean berretsi dituenak. Baina, Goioaga abokatuaren arabera, adierazpen horien zilegitasuna zalantzan jarri behar dira "soilik esan du berresten dituela aurretik egindako deklarazioak. Guretzako horrelako deklarazioa ez da nahikoa horrelako espetxe neurri bat oinarritzeko".

Gauzak horrela, Guardia Zibilak erdietsi eta Pedrazek erabiltzen duen tesia honako hau da: Amets eta Maribelek Asier Borrero hartu zutela Berangoko Lantzarte auzoko beraien etxean. Geroago, Ametsek, Ibaik eta Mari Mertxek mugaren bestaldera eraman zutela. Artetxeren kasuan, Amets, Ibai eta "Guti" dira ustezko etakidea ihes egiten laguntzeko akusatuta daudenak.

Hari horiekin jositako baldintzarik gabeko kartzelaratzea sinatu zuen Pedraz epaileak eta Egurrola eta Gutierrez Valdemorora bidali zituen. Amets Ladislao, Mari Mertxe Alcocer eta Maribel Prietoren kasuan, berriz, Alcala-Mecora eraman zituzten. Baina igandean Soto del Realera lekuz aldatu zituzten guztiak. Uribe Kostako AAMk Etengabe bitakoraren bidez jakinarazi duenez, presoen "etxekoak bisitatzeko ezinik ibili ziren" larunbatean eta igandean "asmo horrekin gelditu" ziren Madrilen, "kartzela batetik bestera bila ibili eta gero". AAMk iragarri duenez, "Guardia Zibilek egindako tortura izugarriak direla-eta, datozen egunotan zehaztu eta zabalduko dira". Bitartean, eskualdeko bost preso berriei idaztera deitu dute.

Amnistiaren Aldeko Mugimenduak larunbatean bidalitako oharra:

Azken atxilotuak basatiki torturatuak izan dira

testigantza izugarriak bota dituzte Pedraz epailearen aurrean. AAMk protokoloaren iruzurra salatu du eta bideoak baldin badaude berehala erakusteko deia egin du. Bihar Leioan elkarretaratzea egingo da torturak salatzeko.

Atxilotuak basatiki torturatuak izan dira:

Amets:

- Denbora guztia biluzik eduki dute eta begiak benda batekin estalita.

- Kolpeak aluan listin moduko batekin. Ez daki ziur zer den, ezin zuen ikusi.

- 50 aldiz baino gehiago boltsa jarri aiote buruan arnasarik gabe utziz.

- Une batean konortea galdu zuen, eta botaka ere aritu zen poltsaren ondorioz.

- Etengabeko mehatxuak: estirilizatuko zutela, bazutela horretarako tresna bat ez zuena markarik uzten. Poltsa, elektrodoak eta baineraren artean aukeratu beharra. Elektrodoen zarata entzun zuen baina ez zizkioten jarri. Bortxatuko zutenaren mehatxuak. Hilko zutela esan zioten, inork ez zekiela atxilotuak zeudenik. Guardia zibilak torturatzen zuela esan zioten, eta frogatuko zuela.

- Epailearen aurrean esan du hau guztiau, polizia deklarazioak torturapean egin dituela azaldu du eta dena ukatu du.

Javi:

- Poltsa askotan jarri diote buruan arnasarik gabe utziz.

- Kolpe ugari eman dizkiote eskuak zabalik.

- Etengabe mehatxuak.

Ibai:

- Poltsa askotan jarri diote buruan.

- Bidaian eskuak pistolan jarri eta hilko zutela esan zioten.

- Mehatxuak etengabeak.

- Elektrodoak jarriko zizkiotela mehatxu egin diote, makila ipurditik sartuko ziotela. Ipurdian sentitu zuen zerbait baina ez zioten sartu.

Mertxe:

- Kolpeak, asko aurpegian (marka bat zuen masailean)

- Poltsa jarri diote.

- Biluzik zegoela ur hotza bota diote.

Maribel:

- Iletik tiraka ibili dute.

- Guardia zibil batek mehatxu egin zion felazio bat egin beharko ziotela.

- Kolpeak eman dizkiote buruan.

- Ihes egiteko esaten zioten, horrela tiro bat botako ziotelako.

- Gauez zutik edukiarazi dute, lo ezin ezinik.

Denei:

- Benda bat izan dute begietan eta ez diete utzi ezer ikusten.

- Denek salatu dituzte torturak epailearen aurrean.

Amnistiaren Aldeko Mugimenduaren irakurketa:

Amnistiaren Aldeko Mugimendutik beste behin ere guardia zibilak euskal herritarren aurka erabilitako tortura basatiak salatu beharrean gaude. Rubalcaba eta Zapateroren erabakiz Bizkaian atxilotu dituzten herritarrak basatiki torturatu dituzte. Tortura espainiar gobernuak gerra tresna bezala erabiltzen du Euskal independentisten aurka, PSOE-ren erabakiz.

Giza eskubideen deklarazioaren 60. urteurrena bete den aste berean 5 euskal herritar torturatuak izan dira, erantzuleak eta isiltzen direnak ospakizunetan zebiltzan bitartean.

Bereziki salatu nahi dugu eusko jaurlaritzaren eta Miren Azkarate bere bozeramailearen hipokresia. Atxiloketa hauek positibotzat jo zituen Azkaratek, jakitun izanik guardia zibilak sistematikoki torturatzen dituela euskal herritarrak. Argi gelditu da beste behin ere Ibarretxek, Azkaratek eta Eusko Jaurlaritzak eskuak oso zikinduak dituztela tortura kasu hauetan guztietan. Modu honetako deklarazioek eta tortura salaketen ondorengo isiltasunak posible egiten du bihar atxilotuko dituzten euskal herritarrak torturatuak izan daitezen.

Honez gainera, "torturak ekiditeko protokoloaren" iruzurra mahai gainean gelditu da beste behin ere. Apaindutako inkomunikazioa ezarri diete atxilotuei, berdin berdin torturatzeko. Ez dugu sinesten atxiloaldia bideo kameraz grabatua izan denik, eta horrela bada lehen bait lehen bideo hauek erakusteko deia egiten diogu Pedraz epaileari.

Torturaren aurka presioa antolatzen eta mobilizatzen jarraitzeko deia egiten dugu gure aldetik. Bihar eguerdiko ordubatetan kontzentrazioa burutuko da Leioako Boulebardean tortura kasu hauek salatzeko.