Gabonak ate joka ditugu eta Barrikako Udalak hainbat jarduera antolatu ditu, herriko txikienei zuzenduta. Horrela, abenduaren 20an, larunbatarekin, Olentzerori buruzko tailerra egingo dute, 11:00etatik 13:00era. Bertan, Gabonetako posta txartelak, Olentzerorentzako gutunak, paperezko eskuargiak eta paperezko kateak egin ahal izango dituzte neska-mutilek. Gainera, ipuinak entzuteko aukera izango dute eta beste hainbat ezuste gehiago, dena musikaren laguntzaz. Bestalde, Barrikako Kultur Etxeak Musikagaz Olgetan izenburuko tailerrak antolatu ditu, 3 eta 6 urte bitarteko haurrei zuzendua. Karmele Garay Artebi eskolako musikaterapian eta musika artean aditua denak izango du tailerrak zuzentzeko ardura. Abenduaren 22, 23, 27an eta urtarrilaren 2an egingo dira, 11:00etatik 13:00era, udaletxeko liburutegi zaharrean. "Gaitasun musikala garatzea da tailer horien helburua", udal iturriek zehaztu dutenez. Izena emateko bi modu daude: kultur etxera joan edo 946 775 163 telefono zenbakira deitu. Argazkian, larunbatean ospatu zuten Barrikan Euskararen Eguna.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun