Teatro en Huida konpainiak Mirian K. Martxante eta Leire Uchak sortu dute, baina hori eratu baino askoz lehenag ezagutu ziren, 1995ean, antzerki eskolan. Ondoren, Khea, Scaramouche eta Antzerkiola konpainietan batera aritu ziren. Seguru aski, ikusleak dagoeneko ezagunak izango ditu honako antzezlanaren batean ikusi dituelako:
- "Edipope, la historia de siempre".
- "Alias Moliere".
- "8 Olivettis poeticos".
- "Caja XXI Kutxa".
- "Nekropolis".
- "Ritos, gure azken lur zatia".
Era berean, biek Manuel Gutierrez Aragonen "Visionarios" filmean lan egin dute.
Teatro en Huida konpainiaren ezaugarriak dira antzerkia clown erara garatzea, zentzugabeko umorea erabiltzea eta antzerki fisikoa jorratzea.
"Gran espectaculo mundial del fakir Ha Sint' O" antzezlana eskainiko dute gaur gaueko 9etan, Itzubaltzeta / Romoko Itzubaltzeta gaztetxean. Teatro en Huida konpainiak egina, eleanitz agertu nahi duen lan erdaldun horretan ikusleak fakirren, zirkoaren eta ilusionismoaren mundura hurbiltzeko parada izango du. Ha Sint' O fakirra izateaz gain, aizto jaurtitzailea, magoa eta su listukaria ere bada eta Itzubatzetara bere ikuskizun ausarta eramango duela iragarri du. Ohiko saioetan, aiztoak jaurtitzerakoan Jessica bere laguntzaile erakargarria arriskuan jartzen du, baita neska desagerrarazi ere, bere kutxa misteriotsuetan sartuz. Gainera, laguntzailea osorik zein zatika ezkutatzen badu eskarmentua fakirrak. Baina, aurretik idatzi bezala, ikuskizuna benetan harrigarria egiten duten gauzak burutzen ditu Ha Sint' Ok: bere sablea bolondresen eztarrietan sartzen ohi du eta baita ihesaldi teknika berrienak erakutsi ere. Sarrera bi eurotan eros daiteke gaztetxeko atean bertan, "sartu eta sinetsi" hitzak entzutearekin batera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun