Getxoko Udalbatzak 1936ko gerraren, horren aurreko gatazka zibilen eta Frankismoaren biktimak omentzea adostu du

Joan den ostiraleko (ekainak 26) osoko bilkuran, 1936ko gerraren, horren aurreko gatazka zibilen eta Frankismoaren biktimak omentzea adostu zuten, aho batez, Getxoko Udalbatza osatzen duten alderdi politikoek. Horren arabera, aipatutako biktimen omenetan eta ezagutzan apaingarrizko elementu bat egin eta ipiniko dute udalerriko leku enblematiko eta publiko batean. Lehenengo ekitaldia 2010ko lehenengo hiruhilekoan egingo da, azken udal batzarrean adierazpen instituzionala (pdf) onartu ondoren, aintzat hartzeko lan egiten segituko baita. Imanol Landa alkateak "pozik" agertu zen, “biktimen aintzateste historikoa egiteko adostasunean oinarrituta bigarren akordioa lortu dugulako, joan den martxoan terrorismoaren biktimak aintzatesteko onartutako adierazpen instituzionalaren ondoren etorriko delako”. Aipatu hilaren 25ean ETAk hildako 15 pertsonekin batera, GALek eraildako Xabier Galdeano omentzeko asmoa iragarri zuen Getxoko Udalaren Bozeramaileek Batzordeak. Hala ere, Uribe Kostako Amnistiaren Aldeko Mugimenduak "iraingarritzat" jo zuen ekimena, tokiko erakundeari "Galdeanoren izena erabili nahi izatea" egotziz. Argazkian, Getxoko Udaleko Bozeramaleen Batzordeak adostu ostean, ostegunean eman zuten egitasmoaren berri Landa alkateak eta EAJ, PP, PSE-EE eta Alternatiba (lehen Ezker Batua) alderdietako eledunek / Urtzi Altube - Ilanda.eu.