Zer egin ahal dugu?
Ia 200 elkarte zibil palestinarrek aldarrikatu eta behin eta berriz errepikatzen digute Israelen erasoari aurre egiteko modurik eraginkorrena boikotarena dela. Estatu sionistak palestinarren eskubideak errespetatzen ez dituen bitartean, Euskal Herriak ez du inolako harremanik izan behar Israelekin. Ez arlo ekonomikoan, ez politikoan, ez kulturalean, ez kirolean.
Ameriketako Estatu Batuak, Europar Batasuna eta Nazio Batuen Erakundearen jarreren aurrean, hiritarroi dagokigu zapaldu palestinarren alde eta zanpatzaile sionisten aurka gaudela agertzea. Eguneroko lana Israeli boikot kanpaina hedatzea da eta gaur berriz:
Euskal Herriko Arabiar Komunitateak eta Euskal Herriko Islamiar Komunitateak Bilboko Kale Nagusiko 33. zenbakian Europar Batasunak duen bulegoaren aurrean 19:00etan deitu duen elkarretaratzera euskal internazionalista guztiok joan gaitezela dei egiten dugu.
Euskal Herriak sionismoari ez!
Israeli boikota!
Gora Palestina askatuta!
Askapena
Israel Estatu terrorista Gazan sarraski berri bat egiten ari da, honezkero 300dik gora lagun hil ditu. Zoritxarrez, sionismoak (mendebaldearen laguntzaz) Palestina eurentzat izango zela aldarrikatu zuenetik, segida luze eta latz baten beste ale bat besterik ez da Gazako azken hau: eraso terrorista sionistak, 1948ko Nakba (Hondamendia), milioika errefuxiatu, palestinar lurren lapurreta etengabea, koloniak, lotsaren harresia, hildakoak, atxiloketak, kontrolak... Nola da posible, hainbeste urtez tamaina horretako zapalkuntzak irautea? AEBk eta Europar Batasunak Israel etengabe laguntzen dutelako: harreman politiko, ekonomiko, kultur zein kirol arlokoak erabateko normaltasunez egiten dituzte, euren hiztegian deitzen duten "gatazka"-ren jatorria (okupazioa) ukatzen dute, eta bi aldeen arteko norgehiagokatzat aurkezten digute F16 eta etxean egindako jaurtikien arteko desoreka dena, tanke eta harrien artekoa, kolonia sionista eta palestinar errefuxiatu eremuen artekoa, 300dik gora palestinar erailak eta israeldar emakume batena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun