Bonbardaketak bere-berehala gelditu behar dira eta eragotzi egin behar da Gazako zerrenda lurrez inbaditzea. Eraikuntza zibilen kontrako erasoek denen ageri-agerian bortxatzen dituzte gerra-ekintzen gaineko nazioarteko hitzarmenak. Israeleko bonbek txikizio larriak eragin dituzte erabilpen zibileko azpiegituretan bai eta epe luzerako kalteak ere bakean garatzeko eskubidea daukan Palestinako ekonomiari.
Berehalaxe ireki daitezela Gazaren eta Israelen eta Egiptoren arteko mugetako pasalekuak, zonako beharrizan humanitario eta ekonomiko larriei erantzuteko. Alde bietako erasoek lehenengo eta behin Gazako eta Israeleko populazio zibilari egiten diote kalte.
Behar-beharrezkoa da nazioarteko komunitateak sendo eta tinko erreakzionatzea zeren eta ezin da geldirik egon indarkeriaren erabilera bidegabe honen aurrean, ordenamendu juridikoa errespetatzeagatik, biktimekiko giza elkartasunagatik eta gatazka guztietan eta indarkeria-agerpen guztietan erabili beharreko balio unibertsalekiko koherentziagatik. Lehenengo erreakzioen epelkeria albiste txarra da giza eskubideen eta bakearen kausarentzat munduan.
Animatu egiten ditugu euskal herritar guztiak egoera honen aurka mobilizatzera eta indarkeriaren goraldi hau geldiarazteko bultzatzen diren ekimen politiko eta mobilizazio guztiak babestera. Era berean, herritar guztiak animatzen ditugu kolaboratzera biktimei laguntzeko martxan jartzen diren giza operazio guztietan.
Eusko Legebiltzarraren 2008ko abenduaren 29ko osoko bilkura
Eusko Legebiltzarreko Lehendakaritza: "Gazari buruzko adierazpen instituzionala"
Eusko Legebiltzarraren osoko bilkurak, Gazako zerrendan eta Israelgo hegoaldean sortutako gerra- eta giza-krisialdi larriaren aurrean, behin berriro azaltzen du bere konpromisoa giza eskubideen alde, eta hau ematen du aditzera: berriz ere heldu behar zaio krisialdiaren aurreko su-etenari eta aldeen arteko elkarrizketa-dinamikari, hori baita bakea lortzeko eskenatoki posible bakarra. Israelgo lurraldearen kontra su-etena amaitutakoan suziriz egindako erasoak gaitzetsi beharrekoak dira. Alabaina, Israelen erantzuna neurrigabea izan da eta urratu egiten ditu nazioarteko zuzenbidearen arauak. Kontuan izanik su-etena amaitutakoan Gazan 300 hildako eta 900 zauritu izan direla eta Israelen, aldiz, kalteak urriak izan direla eta hildako bakarra izan dutela, hori erakusgarri garbi-garbia da Israelen erreakzioa neurrigabea izan dela. Irudia: Cactusbones.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun