19:30ak aldera, desfilearen bigarren zatia hasiko da, Areetako eta Itzubaltzeta / Romoko herrietan. Zugatzarte etorbidean hasita, ibilbidea honako hau izango da: Areetako Etorbidea, Kale Nagusia, Ezekiel Agirre, Kresaltsu, Gorbeia eta Gobelaurre. 20:15ean erregeak Areetako Xake plazara joango dira haurrekin egoteko. Aurtengo desfilean, ohi bezala, Errege Magoen karrozak izango dira eta, horiekin batera, beste gai batzuetan oinarritakoak. Karrozetan hiru erregeen morroiak eta mozorrotutako bidaiariak izango dira, gozokiak publikoari botatzeko. Gainera, fantasiako tren batek eta, giroa alaitzeko, bi fanfarrek eta beste 200 pertsonek (bertoko taldeak, Udaltzaingoa, Gurutze Gorriko kideak, boluntarioak...) parte hartuko dute ikuskizunean.
Uribe Kosta eta Erandio
Leioan, Sakoneta kiroldegitik abiatuko da desfilea, 18:00etan, hainbat kale zeharkatu ondoren, 19:00ak aldera, Kultur Leioan bukatzeko. Hala ere, aurretik, 17:00ak inguruan, Lamiakoko antzokian izango dira Errege Magoak. Erandio aldean, berriz, 18:00etarako deitu ditu umeak Astrabuduako Gazte Unamaz Alkartuak elkarteak. Eta, Altzagan, 18:30ean jarri dute hitzordua, Erandioko Kabalgataren Lagunek. Sopelan ere 18:00etan abiatuko da desfilea Urgitxeta plazatik. Bitartean, Berangora, metroz helduko dira Melchor, Gaspar eta Baltasar, 19:30ak aldera. Berangoetako kultur etxetik frontoiraino desfilea egin eta azken toki horretan egingo diete harrera Errege Magoei. Gainera, txokolate jana egongo da guztientzat. Erregeen harreraren ostean, txitxarriloa izango da DJ Xaibor-ekin.
Urtarrilaren 5ean, astelehenean, erlijio katolikoak eta Italiako zein, batez ere, Espainiako ohiturek hedatutako Errege Magoek desfilea egingo dute Getxo udalerrian zehar. 18:00etatik aurrera, zortzi karrozek, lau fanfarrek eta fantasiako tren batek hasiko dute bi zatiko ibilbidea; lehenengoa, Getxoko eta Algortako herrietan, eta, bigarrena, Areetan eta Itzubaltzeta / Romon. Aurten bi tona gozoki banatuko dira desfilean, zeliakoentzako baliagarriak. Desfilearen lehenengo zatia Getxo herriko kiroldegian hasiko da, Andra Mari elizaren aurrean, 18:00ean, eta herri hori zeharkatuko du. Horren ondoren, Algortara pasatuko da, Maidagan kalean, Aingeruko etorbidean eta Telletxe eta Maria Andresena kaleetatik igaroz, Kasinoaren aurrean amaitzeko. Lehenengo ibilbide hau amaitu eta gero, 19:00ak aldera, Erregeak Algortako San Nikolas plazako liburutegira joango dira txikitxoenekin mintzatzeko. Eskualdeko gainontzeko herrietan ere egongo dira desfileak. Argazkian, Sopela ere bisitatuko dute Errege Magoek. Irudian iazko agerraldia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun