Osteiko eremuko egitasmoa "konplexua" dela diote Urdulizko udal arduradunek, "lurren jabetza anitza delako". Etxebizitzen kopurua eta tamaina tokiko erakundeak berak zehaztuko dituen arren, aurretik hirigintza eta adostasun itunak onartu beharko dituzte. Gainera, eraikitzen hasi aurretik gunea urbanizatu beharko dute. Lehenengo lan horiek "urte bukaeran hasi eta bi urtez luzatuko dira", udal iturrien arabera. Beraz, 2012ra arte ez dira etxeak altxatzen hasiko.
Aurrekontuak
2009ko aurrekontuetatik, 150.000 euro epe baterako lanpostuak eratzeko erabiliko ditu Urdulizko Udalak. Hain zuzen ere, arazo ekonomikoak dituzten udalerriko familiei egongo dira zuzenduta horiek. Aurretik, horiek eskuratu ahal izateko arautegia egingo du tokiko erakundeak. Bitartean, 8 milioi eurotatik ia erdia, 3,5 milioi euro, inbertsioetan erabiliko dute: hilerri berrian (1.200.000 euro), haur eskolan (720.000 euro), gaztelekuan (500.000 euro) edota udal brigadako langileak hartuko dituen nabea egokitzeko (480.000 euro). Gainontzekoa, maila txikiagoko lanak egiteko erabiliko dute: espaloiak, argiteria edota ur-hodiak konpontzeko besteak beste. Haurrentzako jolas guneak jartzeko ere 30.000 euro jarri dituzte.
Bestalde, Kultur Etxeko egitaraua osatzeko 300.000 diru partida jarri dute. Baita kopuru bat Andra Mari elizako kanpandorrea konpontzeko. Azkenik, 2008an jarritako diru kopuru bera zuzendu dute udalerrian metroa lurperatzeko lanetara. "Partida ez dugu handiagotu, 2008an jarritako dirua ez dugulako gastatu. Lanak ez dira hasi oraindik", azaldu dute udal iturriek.
Babes ofizialeko 374 etxebizitza berri egingo dituzte Urdulizen
2009ko urt. 8a, 13:00
Osteiko eremuko plan partziala onartu zuen, abenduaren 9an egindako ez ohiko osoko bilkuran, Urdulizko Udalbatzak. Bertan, 762 etxebizitza eraikitzea aurreikusi du tokiko erakundeak eta, horietatik erdia baino gehiago, 374 gutxienez, babes ofizialeko etxeak izango dira. Osteikok 156.000 metro koadro inguruko azalera dauka: 137.000 metro koadro Urdulizen daude eta gainontzekoa Sopelan. Azken udalerri horretan, abenduaren 18an onartu zuten sektorerako plan partziala. Bertan, parkeak eta kirol gunean jarri nahi ditu Sopelako Udalak. Bitartean, 2009rako 8 milioi eurotako aurrekontuak izango du Urdulizko Udalak. Urteko azken udal batzarrean ere onartu zituzten horiek, EAJk aurkeztutako kontuei PSE-EEk aldeko botoa eman ostean. PP, Ezker Batua eta EA, berriz, abstenitu egin ziren. Argazkian, Kultur Etxeko egitaraua osatzeko 300.000 euro jarri dituzte.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun