Gaur "Gora Hamas!" diot. Argi izan arren ideologikoki nire antipodetan daudela. Baina badakit, momentu honetan, genozida sionisten aurrean erresistentzian dabilen borrokalari oro gutako edonor dela. Ez baitago Gazan, gaur egun, fusila hartu eta bestela Nazio Batuen eskolan babes bila zabiltzala helduko zaizun heriotzari irri egitea baino aukera arrazionalagorik.
Juduei amaitu zaie euren estatu mesianikoa existitzeko legitimitatea. Ezinezkoa da elkarbizitza ehunka ume hil eta aurpegitik barrea joaten ez zaienekin. Alemaniar naziek egindakoa ez dute palestinarrek ordaindu behar. Alemaniarrak horren damututa badaude sei milioi judurekin egin zutenaz, eman diezaietela euren lurraldearen zati bat estatu judua eraiki dezaten. Oraingo auzokideekin betirako gerra sinatu berri dute eta.
Fredi Payak gaur "Berria" egunkarian argitaratutako iragarkia
Guztiz eskumakoa ez den herritar oro Gazako ume hilen argazkiei begira kexu da. Mila ahalegin egin dituzte komunikabideek sionisten sarraskia Hamasi leporatzeko. Edo bere politikari, gutxienez. Baina badirudi gatazkaren desoreka izugarriak, Gazan hildako judu gehienak ere Israelek berak hil omen ditu, ezinezko bihurtu duela gure herrian horren emankorra den gezur etengabe errepikatuen diskurtso uniformea. Gogoan daukat zelan eskatzen zuen baten batek, batzuon aurreikuspen beltzen karietara, bere obamina kolokoiaren efektu anestesikoaz gozatzen utz geniezaion. Tira, ba amaitu da bidaia, eta bestondoa gogorra izango dela ematen du. Hor dago mundua telebista tertulien bidez konpondu litekeela uste dutenen esperantza. Aitzakia burokratikoak ume sarraskia estaltzeko erabiltzen. Ideologia ileko tinte marka bat dela uste dutenek errege mago beltzarengan sinetsi behar dute. Eurak ere kontziente baitira gauzak euren esku utziz gero jai dutela. Argazkian, hainbat gaztetxo palestinar Israelek Gazan egindako bonbardaketetan hildako haur bati azken agurra emanez / Primavera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun