D3Mk gutxienez 17.700 sinadura beharko ditu hautagaitza aurkezteko: 9.500 Bizkaian, 5.700 Gipuzkoan eta 2.500 Araban. Era berean, beharrezko dokumentuak eskatu ditu dagoeneko hauteskunde batzordeetan. Sustatzaileek hautagaien zerrenda urtarrilaren 21 eta 26 bitartean aurkeztu beharko dute. Ezker abertzaleko kide ezagunak egon dira agerraldian: Itziar Aizpurua, Julen Aginako, Amparo Lasheras, Itziar Lopategi, Unai Urruzuno, Idoia Ibero, Miren Legorburu eta Juan Manuel Erasun. Haiekin, Gabi Basañez -Askapeneko kidea-, Haizea Ziluaga -abokatua-, Txerra Bolinaza -musikaria-, Ane Muguruza -Josu Muguruzaren zenaren alaba-, Andoni Txasko -1976ko martxoaren 3ko biktima-, Patxi Marta eta Jesus Valencia ere izan dira.
Erreakzioak
Dagoeneko hainbat alderdik adierazpenak egin dituzte gaur eguerdian aurkeztu duten Demokrazia Hiru Milioi (D3M) plataformaren inguruan. EAk D3M hauteskundeetan egon dadila gura du, "eta egongo dela espero dugu", Unai Ziarreta sozialdemokraten presidenteak adierazi duenez. Bere hitzetan, "herri honen ordezkaritza garrantzitsua osatzen du ezker abertzaleak, eta bozetan egoteko eskubide osoa dauka. Herritarrek babestuko edo baztertuko dute haren planteamendua. Ezin dira ideiak legez kanpo utzi". Javier Madrazo Ezker Batuko koordinatzailearen ustez, "Zapateroren interes alderdikoien arabera egongo da edo ez D3M martxoko hauteskundeetan". Eurak Espainiako Alderdien Legearen aurka "beti" egon direla gaineratu du. Antonio Basagoiti EAEko PPko presidentea ere Zapaterorengan jarri du erantzukizuna. Hala ere, "ez liokeela D3Mri aurkezten utzi beharko" uste dute popularrek. Basagoitiren arabera, "orain frogatuko da nolakoa den Zapateroren politika antiterrorista".
Ikusi D3Mren aurkezpenaren bideoa hemen.
Uribe Kostan non sinatu:
Gainontzeko udalerrien berri izan artean, ondoko tokietan eman daiteke sinadura Uribe Kosta eskualdean, astelehenean hasi eta urtarrilaren 24ra bitartean.
Algorta
Notaritza (Urgull kalea, 1-behea)
Astelehen, astearte, ostegun eta ostirala, 10:00etatik 14:00etara.
Areeta
Notaritza (Kale Nagusia, 10-2)
Astelehenetik ostiralera, 10:00etatik 14:00etara.
Astelehenetik ostegunera, 17:00etatik 19etara.
Notaritza (Eskoletako plaza)
Urtarrilak 14 eta 21, 10:00etatik 14:00etara.
Urtarrilak 13, 15, 19 eta 21, 17:00etatik 18:30era.
Neguri
Udaletxea (Foru kalea)
Larunbatetan, goizez.
Sopela
Udaletxea.
Astelehenetik ostiralera, 13:00etatik 15:00etara.
Astearte eta ostegunetan, 17:00etatik 20:00etara.
Larunbatetan ere bai.
Demokrazia Hiru Milioi herri plataforma aurkeztu dute hauteskundeei begira
2009ko urt. 10a, 18:38
Araban, Bizkaian eta Gipuzkoan martxoaren 1ean egingo diren Eusko Legebiltzarrerako hauteskundeei begira herri plataforma bat aurkeztu dute gaur eguerdian, Bilbon: Demokrazia Hiru Milioi (D3M). Gaurko egoeran "benetako aldaketa" gauzatu nahi dute, adierazi dutenez, Euskal Herriko hiru milioi biztanleek etorkizuna modu askean erabakitzeko, eta Espainiako auzitegiek plataforma debekatzeko "arrazoirik ez" dagoela uste dute. Dena dela, Candido Conde Pumpido Espainiako Estatuko fiskal nagusiak dagoeneko eman du ekimena ikertzeko agindua. "Espazio independentista eta aurrerakoia" eratzeko pausoa dela esan du hitza hartu duen Itziar Lopategik, eta EAJk bloke horri "beldurra" diola. Plataformak EAEko hainbat udaletan baimena eskatu du sinadurak biltzeko. Besteak beste, Algorta, Areeta, Neguri eta Sopelan astelehenetik urtarrilaren 24ra joan ahal izango da sinatzera. Argazkian, euskaltzalea eta Askapeneko kidea den Gabi Basañez sopeloztarra ere izan da prentsaurrekoan / D3M.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun