"Proposamenak udalerrirako interesgarriak izan behar dira eta arlo askotakoak izan daitezke", Gazteria zinegotzi Koldo Iturbek aipatu duenez. “Antzezlan txikiak, performanceak, film laburrak, erakusketak, edozelako lehiaketak antolatzea, web orriak, bitakorak, aisialdi jarduerak (hala nola ikastaroak eta tailerrak), gizarte arazoetan sentiberatzeko proiektuak, euskaren erabilera sustatzeko proiektuak, hitzaldiak bezalako dibulgaziozko proiektuak, eta abarrekoak” aurkeztu daitezke udal arduradunaren hitzetan. "Hau da, orotariko proiektuak, berriak izan ala ez, baldin eta gure herriaren gizarte, ekonomia edo kultura aberasten badute", Iturbek gaineratu duenez.
Diru laguntzak
Bitartean, diru laguntzak eskatzeko epea (ikusi horretarako agiriak) zabalik dauka Getxoko Udaleko Gazteria Zerbitzuak, 2009an arlo horrekin zerikusia duten jarduerak egiteko. Eskaerak aurkezteko epea urtarrilaren 2an hasi zen eta otsailaren 13ra arte egongo da zabalik.
Gazteentzako ideia lehiaketa antolatu du Getxoko Udalak
2009ko urt. 12a, 16:50
Getxoko Udaleko Gazteria Zerbitzuak “Wanted” izeneko lehiaketa deitu du, ideia edo lan proiektu bat duten 18 eta 30 urte bitarteko neska-mutilei zuzenduta. Interesdunek urtarrilaren 14tik otsailaren 25era bitartean aurkeztu beharko dute egitasmoa. Lagungarri izango den gidoitxoa ere eman beharko dute. Proiektua aurkeztu ondoren, bilera batera deituko dituzte gazteak. Bertan, hainbat arlotako profesional eta adituk egitasmoak hobetzeko proposamenak egingo dituzte, berriro ere landu eta aurkezteko. Diru-sariak 500 eta 8.000 euro artekoak izan daitezke eta, horietatik aparte, bestelako saririk ere egongo da, hala nola, aholkularitza profesionala, orientazioa eta trebakuntza. Deialdi honen oinarriak eta proiektuen gidoitxoa edozein herritarren arretarako bulegotan edo Gazte Informazio Bulegoan eskatu ahal izango dira (azken honetan informazio osoagoa emango dute). Era berean, wanted.getxo.net orrian ere deskargatu daiteke. Argazkian, Algortako Etorbideko 68. zenbakiko Tangora etxean dago Getxoko Udaleko Gazteria Zerbitzua.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun