Sopelako Munarrikolanda mendi taldeak irteera eta oturuntza antolatu ditu urtarrilaren 18rako, igandearekin. Oraingoan, ibilbidea Arakaldon hasita, 766 metroko Untzueta mendia igoko dute. Bertatik 565 metroko Bikotx-ganera joango dira tontorrez tontor. Igande horretan, goizeko 8etan abiatuko da autobusa, Sopelako San Pedro elizaren ondoan dagoen geralekutik. Algortatik 8:10ean igaroko da Getxo I Institutu ondoan dagoen Zubiletako autobus geltokitik. Salneurriari dagokionez, 35 euro ordaindu beharko dituzte bazkideek eta 40 euro bazkide ez direnek. Horrenbestez, interesatuta daudenek xehetasun eta baldintza guztiak 696 731 662 telefono zenbakira deituz galdetu ahal izango dute. Taldearen egoitzak honako helbidea du: Trokabide, 1. Izen-emateak ostegunetan egin daitezke 20:00etatik 21:30era. Argazkian, Urko mendia. Argazkian, Untzueta mendia.
Untzueta Zeberio, Orozko eta Arakaldo artean dago; eta ikuspegi aberatsa eskaintzen du: Gorbeia, Pagasarri-Ganekogorta zonaldeko iparraldea eta Bilboko zati bat ere ikus daitezke bertatik. Bikotx-ganera heltzeko, berriz, Axpuru, Arrizurigane, Arrugaeta eta Garigorta gainetatik igaroko dira. Ibilbide hori Orozko eta Zeberio artean kokatzen da. Ibilaldia bukatu ostean, Areatzara joango dira autobusez, bertan bazkaria egngo dute eta bazkideen artean sariak banatuko dituzte, urtero bezala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun