Euskaldunak hauteskundeetako webgunean baztertu egin ditu Herrizaingo Sailak
2009ko urt. 13a, 11:40
Hauteskundeak.net datorren martxoaren 1ean burutuko diren Eusko Legebiltzarrerako hauteskundeen webgune ofizialeko atal gehienetan EAEko herritar euskaldunak hiruzpalau egunez baztertzeari ekin zion atzo Javier Balza jeltzaleak zuzentzen duen Herrizaingo Sailak. Atzo, hilak 12, Eusko Jaurlaritzako Herrizaingo Saileko Hauteskunde eta Dokumentazio Zuzendaritzak zabaldu zuenez, hauteskundeetako pausoak, datak eta epeak biltzen dituzten 2.500 egutegi (pdf) banatu zituzten. Albisteaz baliatuz, hauteskundeetako gune ofizialari behar beste publizitatea eman zion guneari, nahiz eta albistean elecciones.net baino ez agertu. Atzotik webguneko 14 guneak irakur daitezke oso-osorik espainolez. Euskaraz bi baino ez.Euskarazko hautua egiten duen herritarrak, "Boto bereziak" eta "Hauteskunde mahaikideentzako argibideak" atalak osorik baino ez du izango irakurgai. "Hauteskundeen plangintza eta egutegia" edo "Hautagaiak" ataletan, berriz, informazioaren erdia baino gutxiago topa daiteke. Beste arlo batean euskara espainolarekin agertzen da nahastua eta seigarren batean euskaraz lerroren bat idatzi dute. Bestelako zortzi atalak hutsik daude, "Eguneratze prozesuan. Urtarrilaren 15ean itzulpen ofíziala ezarriko da" sasi-azalpena baino ez dutela eskaintzen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun