Dantzaldi ibiltaria Bizkaitik zehar ibiliko da dantza tradizionala irakasten
· Dantzaldi ibiltaria, dantza tradizionala sozializatzeko eta Bizkaiko bazter guztietako pertsonen parte hartzea ahalbidetzeko asmoz AIKO taldearen y la BBKren elkarlanaren ondorioz sortutako proiektua da.
· Dantzaldi ibiltaria, ekimen honen baitan dagoen proiektuari emandako izena, dantza-tailer, dantza-saio eta erromerien bitartez dantza tradizionala praktikatzeko aukera eta espazioa ahalbidetuko duen proiektua da.
· Urte osoan zehar 14 herrietatik zehar, dantza tradizionalaren estiloa bere naturaltasunean dantzatzeko aukera emango da antolatuko diren doako ikastaroen bidez
· Tailer ibiltari hauekin batera, ikastaro trinkoa antolatu da Plateruena Kafe Antzokian Aste Santuak arte, eta martxotik aurrera eta urte bukaera arte, hilabetero zapatu batez, erromeria herrikoia ere.
· Dantzazale Eguna proiektuari zapatu honetan emango zaio hasiera Barakaldoko BEC-en, bazkari herrikoi eta erromeria batekin, non 150 pertsonen partehartea espero delarik.
· Dantza tradizionala modu dibertigarrian ikasteko eta gozatzeko, www.aikotaldea.com
Argibide gehiagorako: www.aikotaldea.com
Aikon dantzan ikasteko beste modu bat badagoela uste dugu. Naturalagoa den beste modu bat, erlaxatuagoa eta dibertigarriagoa. Oinak mugitzen ditugu doinu bat entzutean, balantzaka hasten gara edo oinhatz-puntekin erritmoa markatzen dugu, musika sentitzen ari gara jadanik; dantzarako prest gaude jadanik. Musika jotzen eta dantzatzen dugu, baina gainera, partekatu eta irakatsi egiten dugu.
Dantzaldi Ibiltaria proiektua atzo goizean aurkeztu zen Bilbon, BBKko Kultura Aretoan Patxi Laborda, Jon Maya, Larraitz Artetxe eta Sabin Bikandi dantzako maisu eta musikarien eskutik, Gorka Martínez BBK Fundazioko arduradunarekin batera.
Tailer ibiltariak eta ikastaro trinkoa
Euskal kulturaren baitan hain garrantzitsua den gure folklorearen berreskurapenarekin guztiz konprometituak gauden musika irakasle eta dantzari talde bat gara. Helburu honekin, dantza bizitzeko bizipen berriak bilatzen saiatzen gara eta horregartik jarri dugu Dantzaldi Ibiltaria proiektua martxan. BBKren babesarekin martxan jarritako ekimena berau, Bizkaiko txokoetatik zehar ibiliko den bi ordutako (19:00etatik 21:00etara) dantza-tailer ibiltariaz osatzen da. Hauetan, modu xume eta erraz batean, eta batez ere gertutasunez, dantzan ikasteko oinarrizko ezagutza bat eskainiko zaie parte hartzaileei eta guztion artean, dantzatzeko modu tradizionala berreskuratzeko espazio berriak sortu nahi dira.
Lehen edizio honetan, Bermeo, Bilbo, Erandio, Etxebarri, Gernika, Getxo, Gordexola, Igorre, Plentzia, Sestao, Sodupe, Urduña eta Zaratamo. herrietatik ibiliko gara.
Bermeo, otsailak 12
Bilbo, apirilak 30
Erandio, otsailak 19
Etxebarri, apirilak 16
Gernika, apirilak 2
Getxo, martxoak 5
Gordexola, otsailak 5
Igorre, urtarrilak 29
Plentzia, martxoak 12
Sestao, otsailak 26
Sodupe, martxoak 26
Urduña, apirilak 23
Zaratamo, urtarrilak 22
Partehartzea doakoa da; soilik www.aikotaldea.com webgunean edo 646 336 147 telefono zenbakian aurrez izena ematea besterik ez da egin behar. Izena ematen dutenei, kamiseta bat eta etxean dantza praktika dezaten CD bat opari emango zaie.
Honez gain eta ikasten jarraitzeko , tailer ibiltariekin batera Aste Santuak arte asteartero, ikastaro trinko bat emango da Durangoko Plateruena Kafe Antzokian. Ikastaroaren iraupena ordu t`erdikoa izango da (19:30etatik 21:00ak arte) eta tailer ibiltarian bezala, partehartzeko aurrez izena besterik ez da eman behar.
Erromerian
Baina ekimen honekin ez dugu nahi soilik gure kultur ondarearen zati garrantzitsu hau berreskuratu, suspertu ere nahi dugu. Dantzaldi Ibiltaria izenarekin, publiko zabalago eta gazteago batengana nahi dugu gerturatu ondare hau, herriko kiosko edo plazetan gure nagusiei begiratuz ikasten zeneko garaia ezagutu ez duten publikoarengana hain zuzen ere. Gaur egun, herriko plaza dantzarako espazio zabal bezala, historiara pasatu baita. Ikasketa egun, ikastetxe eta akademietara eramana izan da eta honenbestez, dantzak, bere balio gizarteratzailea galdu egin baitu.
Beraz Aikotik, dantzarako estilo tradizionala eta naturala zabaltzeaz ez bakarrik, dantzarako espazio berriak berreskuratzeaz eta sortzeaz ere konprometitu gara. Horregatik gure Dantzaldi Ibiltariak, martxotik aurrera Durangoko Plateruena Kafe Antzokian izango du geldialdia. Bertan, betiko erromerietako giroa sortuko dugu zuzeneko musikarekin eta dantzan gozatzeko gogoa duen jende andanarekin. `Dantzaldi-erromeria´ hauek, tailer eta ikastaroak bezalaxe, jende guztiarentzat daude zabalik, errepertorio herrikoiaren aniztasuna ikusteko baliogarri direnak eta nola ez, gure aisialdian gure afizioak partekatzen duen jendea ezagutzeko aukera eskainiz. Honenbestez, martxoaren 7 eta 28an, apirilaren 18an, maiatzaren 9an, ekainaren 20an, irailaren 19an, urriaren 24an, azaroaren 14an eta abenduaren 19an gure dantzari berriek auren abilezia erakutsi ahal izango dute soka-dantzaren, jote eta fandango eta arin-arin-en erritmoeki.
Dantzaldi Ibiltariaren abiatzea ospatzeko datorren larunbatean, hilak 17, bazkari herriko bat egingo dugu eguerdiko 14:00etatik aurrera Barakaldoko BEC-en. Ondoren, Aiko taldeko musikari eta dantzariek, espero diren 150 lagunei taularatzeko eta festan parte hartzeko gonbitea luzatuko die. Bazkarirako izena eman beharko da 30 euroren truke.