Diskoa aurkeztuz, hiru urte iraun zuen bira batean jardun zuen Europako jaialdi garrantzitsuenetan, eta Albert King, Van Morrison, Robert Plant eta Khaled bezalako artista handiekin partekatu zituen oholtzak. 1998an, "Hombre Bleu" esperimentatzen eta bilatzen bost urte eman eta gero, Chicagoko Bluesa eta erritmo bereberra uztartzean oinarritutako musika molde berria eskaini zuen. CD hori osatzeko xedean baliatutako taldea bihurtu zen Amar Sundy Band". 2000. urtean kaleratu zuten "Live and Blues" aurreneko zuzeneko albuma. 2004. urtean, berriz, Dixiefrog zigiluarekin "Najma" lana kaleratu zuen eta formen alkimista honen heldutasuna agerian geratu zen, behin betiko estilo berezkoranzko bide luzeari ateak irekiz, talentu berezia erakutsiz.
2006an Putumayo zigiluak, bere "Mundu osoko bluesa" bilduman, Sundyren gai bat argitaratu zuen eta 60 herrialdetan banatu. Une honetan hurrengo lana ari da prestatzen Tino Gonzales gitarra jotzaile iparramerikarrarekin batera. Lan hau 2009an argitaratuko dute. Sundyk zuzenekoetan bere musika berezia aurkezten du, Chicagoko Bluesaren eta erritmo bereberraren arteko nahasketa.
Iaz bezala, Leioako Blues eta Jazz Zirkuituak bere hileroko hitzorduari erantzungo dio ostiral honetan, hilak 16, Kultur Leioako Kafe Ambingun. Urte berriko ekitaldi horretan arituko da, 22:00etatik aurrera, Amar Sundy Blues Band, izen bereko tuareg jatorria duen bluesman afrikarraren inguruan sortutako banda. Sundy gitarra eta ahotsarekin batera, Gaby Jogeix (gitarra), Antoine Vierny (baxua) eta Lauren Stradman (bateria9 entzuteko parada izango da, sei euroko sarrera ordainduz gero. Amar Sundy tuarega Hoggar-en, Aljeriako Sahara aldean, sortu zen. Ondoren, Parisen hazi zen baina gaztea zela Aljeriara itzuli zen bere sustraien bila, tartean gitarra jotzen ikasi zuela. Urte batzuk geroago Parisa itzuli zenean, blues doinua deskubritu zuen, eta geroago Chicagora joan zen, hiri hartan Otis Rush eta James Cotton bezalako artistekin jotzeko. Haiekin hainbat urte ibili zen, berriro ere Europara itzuli zen arte. Hasieran, BB & Albert King taldearekin biran ibili zen, baina azkenean talde propioa osatu zuen bere konposizioak interpretatzeko. 1990. urtean kaleratu zuen bere lehenengo albuma, "Hoggar-Chicago-Paris", estudioan zuzenean grabatua, frantsesez, ingelesez eta bereberez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun