Familia ugariak eta merkatari txikiak baliatuko lirateke salbuespen eta hobariez, popularren arabera. Hala ere, azken horiek izango lituzkete beherapen nabarmenenak. Getxoko PPk egindako proposamenari begiratuta, eraikuntza, obra eta instalazioen gaineko zergan %95 murrizketa izango lukete merkatariek. Baita zarama eta estolderia tasetan erabateko salbuespena ere. Bitartean, merkatari berrien kasuan, irekitzeko eta jarduteko lizentziak emateagatiko tasak, saltokia zabaldu eta lehenengo bi urteetan ez kobratzea proposatzen dute tokiko popularrek. Familia ugarientzat, berriz, estolderia, zarama, administrazio agirien egiteko edota musika eskolan eta Hezkuntza Berezia zerbitzuetan izen-emateko tasak %50 jaistea eskatu du Getxoko PPk.
Plan berezia
Marisa Arrue Getxoko PPren bozeramailearen arabera, "krisialdiari aurre egiteko plan berezia behar du udalerriak". Aipatu egitasmoa, "herstura ekonomikoa, txikizkako merkataritzaren lehiakortasuna sustatzea; eta tasak eta zergak jaistea" izango lituzke ardatzak. Hain zuzen ere, azken hori eztabaidatzeko, urtarrilaren 8an eskatu zuten ez ohiko osoko bilkura egiteko eskaera, udal erregistroan. Egun horretatik aurrera, data jartzeko 15 egun dauzka Imanol Landa alkateak; eta epe horretan deitzen ez badu, hamabostaldi hori amaitu eta hamar egunera egingo da udal batzarra. Dena dela, Getxoko PPk baino ordu bete beranduago prentsaurrekoa ere eman duen Iñaki Urkiza Ezker Batuko tokiko bozeramailearen arabera, "zergen kasuan, nahiz eta popularrek proposatutakoa onartu, ez lirateke 2010eko urtarrilera arte indarrean sartuko. Tasen kasuan bai, berehala egongo lirateke indarrean".
Nagusiki merkatarientzat nahi du tasa eta zerga jaitsiera Getxoko PPk
2009ko urt. 13a, 19:26
Iaz egin bezala, tasen eta zergen gaineko ez ohiko osoko bilkura egiteko eskaera aurkeztu du udal erregistroan Getxoko PPk. Beste behin ere, zarama bilketa tasa %86 murriztea galdegin dute. Marisa Arrue tokiko popularren bozeramaileak adierazi duenez, "egun urteko 129,52 euro ordaintzen dugu getxoztarrok, Bizkaian bataz beste 70,54 euro ordaintzen diren bitartean". Jaitsiera aplikatuz, "66,92 euro ordaindu beharko genituzke, hau da, 62,6 euro gutxiago", zehaztu duenez. Oraingoan ere merkatarientzat jaitsiera bera eskatu du PPk, hau da, zarama bilketagatik Getxo udalerriko dendari eta tabernari guztiak berbera ordaintzea, saltokia zein gunetan dagoen eta zein tamaina daukan kontuan izan gabe. Arruek emandako datuen arabera, Algorta edo Areeta erdiguneko kaleren batean kokatutako 50 eta 75 metro koadro arteko denda baten jabeak 439,40 euro gutxiago ordaindu beharko lituzke. Egun 686,60 euro ordaintzen ditu. Argazkian, Getxoko PPren zinegotziak aurreko ohiko osoko bilkura batean.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun