Sopelako udaletxea lan egun guztietan zabaltzea exijitu die tokiko agintariei Ezker Batuak

Abenduaren 31tik urtarrilaren 6ra bitartean, herritarrek ez zuten udal arreta zerbitzuaz baliatzerik izan, Sopelako Ezker Batuak salatu duenez. Jakinarazi dutenez, larunbat eta jai egunetan ez ezik, hilaren 2an, ostirala, eta 5ean, astelehena, ere itxita egon ziren udaletxeko bulegoak. EBren tokiko kideen arabera, aipatu egunak erabili ohi dituzte sopeloztarrak udal izapideak egiteko, "batez ere, kontuan hartuta bulegoak ez dituztela arratsalde bat bera ere zabaltzen". Hori dela eta, udaletxeko bulegoak lan egun guztietan zabaltzea exijitu diete tokiko agintariei, "nahiz eta horietako batzuk jai egunen arteko astelehen edo ostiralak izan". Argazkian, Jose Vicente Ojinaga Sopelako EBren zinegotzia.