Lanetik irtenda bizi nahi dugu, eta jolastordua ondo probesteko astialdia denboralizatzen dugu: 18:30 erosketak, 19:45 bilera, 21:15 bikotekidearekin afaldu... Che Guevara gurekin kafe bat hartzeko berpiztuko balitz ere pikutara bidaliko genuke. Zer esanik ez diru-zorroa lapurtu dioten agurea, gurpila aldatzeko laguntza behar duen andrea, erresidentzian bakarrik dagoen amama... Dagoeneko inor ere ez da kalera irteten aurretik mugikorrez lehen kontaktua planifikatu barik. Horrek dakarren geroz eta jokaera autista eta insolidarioagoarekin. Elkartasuna, gehienetan, planifikatu gabeko gertakizunei denbora eskaintzea da.
Buru lanpetuan ez da deabrua sartzen esaten zuen gure amamak. Ulergarria terapia okupazionalak depresiotik psikoanalisiak baino jende gehiago salbatu duen herri honetan. Hala ere, baliteke deabruari leiho bat zabaltzeko ordua izatea.
Fredi Payak gaurko "Berria" egunkarian argitaratutako artikulua.
Aspaldi konturatu nintzen zenbat eta astialdi gehiago izan hainbat eta pertsona hobea naizela. Inoiz entzun dut esaten ez dagoela pertsona txarrik ez onik, baizik eta interes kontrajarriak. Baina Francok bere azken egunak negarrez eman zituela jakiterakoan jausi zen arrazoi hori. Arazoa da, budistek esaten duten moduan, heriotza gainean duenean baino ez zaiola pizten barrua askori. Ustez kristaua zen, baina milaka urte lehenagotik Mediterraneo osoko hilobietan idatzirik ageri da damua. Mamu hitzarekin errima ederra egin eta antzeko izaera beldurgarri bezain espirituala duena. Azken urteetan elkarrizketatu ditudan 170 indigenek gauza bitan erakusten dute aho bateko adostasuna. Lehenago elkartasun handiagoa zegoen gizartean, eta oraingo gazteek ez daukate ezertarako astirik. Izan ere, etxea ordaintzeko soldataren %117 behar duenak, asteroko 65 orduen mehatxupean, ordutegi estua izaten du sarri.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun