Ertzaintzak Urbinan izandako jokabidea salatu du Plentziako Gazte Asanbladak

Plentziako Gazte Asanbladak eta AHT Gelditu! Elkarlanak salatu dute atzo Urbinan Ertzaintzak AHTren aurkako manifestazioaren aurka egindako oldarraldia. Izan ere, Abiadura Handiko Trenaren aurkako manifestazioan milaka lagunek parte hartu zuten eta EAEko Polizia autonomikoa gogor oldartu zitzaien protestan aritu zirenei. PGAren aburuz, manifestazioan parte hartu zutenek "eraso larri eta nazkagarria" jaso zuten. Gazte Asanbladak "gure Lakuako lagunak indartsuki salatu" du eta jasandako bortxakeriaren gainetik lanean jarraituko dutela azpimarratu dute: "pairatzen ditugun arazoak konpontzeko duten modu bakarra biolentzia delako, guk aurrera eramaten ditugun ekintza guztiak gelditzeko modu bakarra biolentzia delako, zuoi aurre egingo zaituztegu, bai Jaurlaritzari bai zuen txakurrei". Era berean, AHT Gelditu!-k positiboki baloratu du herritarren parte hartzea manifestazioan eta kexu agertu da Ertzaintzak erabilitako "lekuz kanpoko errepresioagatik". Talde horren arabera, ehunaka zauritu eragin zuen Poliziak, haietariko bat oraindik ospitalean dagoena. Bestalde atxilotutako zortzi pertsona oraindik ertzain-etxean daude eta astelehenera arte ez dituzte epailearengana eramango. Ehunaka lagun identifikatu zituzten ere bai. Argazkian, polizia autonomikoak lagun bati eragindako zauria / Plentziako Gazte Asanblada.