Bestetik, bigarren sariaren irabazlea, Javier Chillon Guerraren film laburra da. “Die Schneider Krankheit” du izenburua, eta aktoreen artean Paco Casares, Franz Leisdon, edota Gonzalo Terreros aurkitzen dira, besteak beste. Hasiera honakoa da: 50eko hamarkadan, sobietar espazio-kapsula batek lurra jotzen du Mendebaldeko Alemanian. Tripulatzaile bakarra, tximino kosmonauta bat, birus hilgarri baten eramaile da…
Aurtengo laburmetrai sarituak proiektatuko dituzte iluntzean Leioan
2009ko urt. 20a, 14:02
Gaur, arratsaldeko 8etatik aurrera, ikusgai izango dira Kultur Leioan joan den urtean ospatutako laburmetraien 15. lehiaketa irabazitako lanak. Zehazki, lehengo eta bigarren sariak eskuratutako lanak proiektatuko dituzte: “E finita la comedia” eta “Die Schneider Krankheit”, hurrenez hurren. Esan bezala, irabazle suertatutako lanak “E finita la comedia” du izenburua eta Jean Julien Collete eta Olivier Tollet zinemagileen obra dugu. Aktore lanetan, berriz, Christina Crahay eta Cedric Eeckhout ditugu. Filmak bizitegi-gune batean aparkatuta dagoen autoa du kokaleku. Aita bat eta bere semea eztabaidan hasten dira: amodioa, sexua, ama eta heriotza. Ez ohiko konplizitatea, gehiegizko harreman hurbila. Denbora badoa, tonuak gora egiten du eta galderak erantzunik gabe geratzen dira oraindik: zer ari dira itxaroten? Eta batez ere, zer egiteko zorian daude? Argazkian, Kultur Leioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun