![](http://farm4.static.flickr.com/3463/3219934194_89cab3a7a0_m.jpg)
"Zailtasun eta eraso guztien gainetik", 47.337 herritarrek
Demokrazia 3 Milioi plataformaren aldeko sinadura eman dute, hainbat atxiloketa eta ilegalizazio eskaerak pairatzen dituen plataformak berak jakinarazi duenez. D3Mk egindako balorazioan nabarmendu du aipatu sinadura bilketa "lege anti-demokratikoen aurkako sinadura ere" badela. Hortaz, alde batetik, pozik agertu du metatutako indarragatik, "eharrezkoak ziren 18.000 sinadurak baino askoz gehiago" bildu baititu Demokrazia 3 Milioik. Baina beste aldetik, bere kexa agertu du Espainiako Estatutik heldu zaizkion erasoak direla eta: "Estatu espainiarrak beldurra dio ezkertiar eta abertzaleok hauteskundeetan egoteari. PSOEk beldurra dio proiektu politikoak konfrontatzeari, eta indarrez ekidin nahi du hori gainera". Horrekin batera, D3Mk sinadura edota laguntza eman dioten herritarrei eskerrak eman dizkie eta "besarkadarik beroena" helarazi die Iker Rodrigo, Eli Zubiaga, Arantxa Urkaregi eta beste bost espetxeratuei zein beren senideei. Argazkian, Iker Rodrigo bere atxiloketan, autoan, bi polizien artean.