Atzoko egunean, 150 lagunek parte hartu zuten Getxon Babes Zibilak abiatutako operazio berezian. "Besteak beste, herritarren beharrizanei erantzuten, eraikin publiko zein pribatu eta garajeak badaezpadan husten, oharrak zabaltzen, gainezka egiteko arrisku gehien zuen lekuetan erreka zaintzen, errepideak eteten eta zirkulazioa antolatzen, bide eta estratak garbitzen; eta garaje eta etxeetatik ura ateratzen ibili ziren", azaldu dutenez. Gaur ere garbiketa lan horiekin jarraitu dute.
Eskola eta kirol jarduerak
Badaezpadan atzo jendez hustu behar izan zituzten ikastetxeei dagokienez, gaur asteazkena normaltasun osoz ibili dira. Garrantzi txikiko kalte apur batzuk gertatu dira soilik Geroa Ikastolan eta Romo eta Andra Mari ikastetxe publikoetan. Besteak beste, Zubilleta eta Larrañazubi eskolak, Getxo I eta Fadura institutuak eta Gobela Ikastola itxi behar izan zituzten atzo. Fadurako kiroldegiari dagokionez, hau ere jendez hustu behar izan zuten. Horrenbestez, bihar, hilak 29, zabalduko dituzte ateak bazkide eta erabiltzaileentzat; igeriketa ikastaroetakoentzat izan ezik, oraindik igerileku olinpikoaren sabaia konpontzeke dagoelako.
Uholdeek lau etxebizitza eta hamar bat garaje eta trasteleku kaltetu dituzte Algortan
2009ko urt. 28a, 17:15
Guztira, Larrañazubi aldeko lau etxebizitza eta hamar bat garaje eta trasteleku batzuk kaltetuta geratu dira atzo Algortan izandako uholdeen eraginez, Getxoko Udalaren Babes Zibileko Zerbitzuak eskainitako balantzearen arabera. Horrekin batera, bost pertsonei ostatu eman zieten udalerriko hotel batean, Gobela errekak gainezka egin eta euren etxebizitzetara ura sartu zelako. Kalteen balorazio zehatzaren faltan, esan daiteke kalteak iazko ekainean gertatutakoak baino askoz txikiagoak izan direla. Udal iturriek aipatu dutenez, kaltetuta geratu diren etxebizitzen jabeei diru laguntzak ematea aztertzen ari da Gobernu Taldea, iazko uholdeen ondotik eman zituenen antzera. Artean, udal Larrialdi Plana indarrean dago gaur asteazkenean ere, euri jaseengaitik, eta hartara, Gobela errekaren ibilbide osoa ari dira jagoten. Argazkian, pare bat lagun etxe behealdetik ura ateratzen.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun