Musikazaleentzat, otsailaren 14tik maiatzaren 16ra arteko larunbatetan, Andres Isasi Udal Musika Eskolan abesten ikasteko ikastaroa egingo da, bertan, besteak beste, “Ahotsa eta arnasketa”, “Ahots teknika” eta “Errepertorioa” bezalako gaiak landuko dituztela.
Sukaldaritza
“Eraberritzailea izateko” helburuarekin, sukaldaritzaren mundua ezagutzera bultzatu nahi dituzte mutilak eta, horretarako, ikastaro berezia antolatu dute maiatzerako, “La Sarten de Cordeleria” dendan. Bertan, oinarrizko teknikak eta plater arin eta errezetak prestatzen ikasiko dute gazteek. Toki berean, “Munduko gutiziak” ikastaroa egingo dute ostiralero, maiatzaren 7tik 28ra bitartean. Kultura askotako gastronomien arteko topagunea izan nahi du jarduerak.
Kirolak
Neskek, bestalde, skate ikastaro batean parte hartu ahal izango dute maiatzean Arrigunagan. Horretan, kaleko zein pistako mugimenduak irakatsiko dizkiete, baita gorputz babesak ondo ipintzen ere. Kirolarekin jarraituz, ekainaren 1etik 5era surf ikastaroa egingo dute, teoria eta praktika landuz, Barinatxe hondartzan. Bertan, ingurumena zaintzen ere irakatsiko diete.
Argibide gehiago Gazte Informaziorako Bulegoan (Tangora Etxea, Algortako Etorbidea 98), 944 660 353 telefono zenbakian, gaztebulegoa[abildua]getxo.net posta elektronikoan edo www.getxo.net-en.
Etxebizitzaz, bullying-az eta arrazakeriaz arituko dira Getxoko gazteekin
2009ko ots. 2a, 20:20
Getxoko Udalaren Gazteria Zerbitzuak, otsaila eta ekaina bitartean, 8 eta 30 urte arteko neska-mutikoentzat antolatutako jarduerak eman ditu ezagutzera. Etxebizitzaren inguruko hitzaldiak eta bullying eta arrazakeriari buruzko antzerki-foruma dira, horien artean, berrikuntzarik nagusienak, udal iturriek zehaztu dutenez. Hartara, oraingo honetan, ohiko ikastaro eta lantegiei beste jarduera mota batzuk gehituko zaizkie, euskaraz edo gaztelaniaz egingo direnak, jarduera motaren arabera, eta prezio merkean gainera. Aurrekoetan bezala, entzuteko eta mugitzeko trabak dituzten pertsonen mesedetan neurriak hartu dira. Esan bezala, otsailaren 12an eta 17an, “Etxebizitza bat lortzeko jakin beharreko guztiaz” izenburuko hitzaldi bana emango dute, Algortako Villamonte kaleko kutur etxean, 18:00etan. Eusko Jaurlaritzaren eta BBKren laguntza izan dute horiek antolatzeko. Martxoaren 14an, larunbatarekin, berriz, “Sararen istorioa” hitzaldi-foruma aurkeztuko du Baketik bake eta gatazken lantze etikoaren aldeko zentroak. Eskolan indarkeria eta arrazakeriazko jarrerei aurre egiteko proiektuan oinarritutako ekimena da. Solasaldia Algortako Trinitarias ikastetxean egingo dute, 17:30etik aurrera. Argazkian, Algortako Etorbideko 68. zenbakiko Tangora etxean dago Getxoko Udaleko Gazteria Zerbitzua.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun