Haur eta horien gurasoentzako torrada, patinaje, magia eta euskal kanta ikastaroak antolatu ditu Egizuk
2009ko ots. 4a, 17:44
Sendi egitasmoaren barruan, hainbat ekitaldi antolatu ditu datozen asteotarako Egizu Getxo Euskaldun! elkateak, udalerriko haurren aita-amek euskara erabiltzea sustatzeko eta belaunaldien arteko hizkuntza transmisioan eragiteko helburuarekin. Oraingoan, ezaugarri desberdinetako doako lau ikastaro antolatu dituzte, otsailean eta martxoan, seme-alaba zein gurasoentzat. Horrenbestez, inauterietako torradak egiten, patinatzen, magia eta euskal kantak ikasteko aukera edukiko dute guztiek. Izenemateak egiteko edota informazio gehiago nahi dutenek Egizuren egoitzara, Algortako Karitate kaleko 1 zenbakira jo dezakete edo bestela 944 914 357 telefono zenbakira deitu. Argazkian, Sendin ibilitako gurasolagun taldeetako bat / Egizu!Otsailaren 9an, astelehenarekin, inauterietako torradak egiten ikasiko dute, Getxoko Itxas Argia elkartean, 5 urtetik gorako umeek eta horien gurasoek, ipuinak entzuten dituzten bitartean. Hilaren 15ean eta 22an, berriz, patinatzen erakutsiko diete, Algortako San Nikolas ikastolan, 6 urtetik gorako haurrei eta aita-amei. Bitartean, otsailaren 17an, asteartearekin, tailerra eskainiko du Tor magoak, Algortako Zabala ikastetxean. 7 urtetik gorakoei zuzenduta dago hori. Azkenik, euskal kanten tailerra (gaztelaniaz izango den bakarra) martxoaren 14ean izango da Larrañazubi ikastetxean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun