Bi gazte atxilotu dituzte Algortan diru faltsuarekin erosketak egiten saiatu direlakoan

Erandio inguruetan 50 euroko billete faltsuak dabiltzala ohartarazi zuen joan zen astean Ertzaintzak. Atzo arratsaldean, berriz, 30 urteko J.L.P.P. eta 28 urteko D.C.R., Barakaldoko gizonak biak, atxilotu zituen Getxoko Udaltzaingoak, Algortako dendetan erosketak horrelakoekin egiten saiatzea leporatuta. Saltzaile baten deiak ohartarazi zituen poliziak. Izan ere, Ertzaintzak emandako abisuen ostean, "alerta egoeran" daude dendariak, udal iturrien arabera. "Poliziarekiko berehalako harremanari esker atxilotu ahal izan dituzte" barakaldar biak, gaineratu dutenez. Gaur bertan epailearen aurrera eraman dituzte. Hala ere, aipatu dutenez, oraingokoak ez dira Gabonak baino lehen Bilbon zein Getxon aurkitu zituzten kalitate handiko billeteen sortakoak. Orduan gazte bat atxilotu zuten Leioan. Faltsifikazioa maila eskasagokoa da. Argazkian, 50 euroko billetea / Kaioshin.