Otsailaren 23tik aurrera, elikagai manipulatzaile ikastaroa hasiko dute Behargintza Leioa enplegu zentroan. Izena emateko epea zabalik dago jada. Jakin beharrekoa da ikastaroa tabernetako zerbitzari, merkatal langile eta sukaldarientzat zuzenduta dagoela. Zerbitzariek eta merkatal langileek 50 euro ordaindu beharko dute, eta sukaldariek 70 euro. Hala ere, Fundacion Tripartita erakundeak diru laguntza eskatzeko aukera emango die lanean dabiltzan ikasleei. Horren arabera, zerbitzari zein merkatariek 7,5 euro jaso dezakete, eta 10,5 euro sukaldariek. Bestalde, Behargintzan izena eman dutenek %30eko deskontua izango dute, eta Leioako Merkatarien Elkartearen kide direnek beste horrenbeste. Informazio gehiago eskatu eta izena emateko, 678 788 792 telefono zenbakira deitu beharko dute interesdunek. Argazkian, Leioako Behargintza.
Ostalaritza langileak eta sukaldaritza ikasleek hilaren 23an, astelehena, izango dute lehen saioa, 17:00etatik 20:00etara; eta bigarrena asteazkenean, hilak 25, ordutegi berean. Zerbitzariak saio bakarra izango dute, otsailak 24an, asteartea, 17:00etatik 20:00etara. Azkenik, merkatari txikiek hilaren 23an, astelehena, izango dute lehen saioa eta, bigarrena, bi egun barru. Biak ala biak 15:00etatik 16:30era izango dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun