Maileguei dagokionez, %89 gaztelaniazko aleak izan dira eta gainerako %11, euskarazkoak. Gehien eskatu zituzten liburuak honako hauek izan ziren: gaztelaniazko helduen sailean, "El niño con el pijama de rayas" (J. Boyne); euskarazkoan, berriz, "SPrakoTranbia" (Unai Elorriaga). Haur sailean, "Harry Potter y las reliquias de la muerte" (H. K. Rowling) izan da libururik arrakastatsuena. Azkenik, bideotekan, gehien eskatu den filma "La boda del monzon" izan zen.
Iaz 308 egunetan egon ziren zabalik liburutegiak, asteko 48 ordu, hain zuzen ere. Ohi bezala, areto guztiek beren ordutegiak zabaldu zituzten azterketa garaietan, ikasleen eskariari aurre egin ahal izateko. Halaber, iaz 1.540 kide gehiago hartu zituzten liburutegiek eta urtea amaitu zenerako bazkide kopurua 20.287 lagunekoa zen. Horrezaz gain, aipatzekoa da liburu bildumaren gehitzea. Iaz 7.500 ale gehitu zitzaizkion eta, egun, 100.000 liburu dauzka. Gero eta arrakasta gehiago duen argazki bildumari dagokionez, 15.000 irudi bildu ditu dagoeneko.
Jarduerak
Lau egoitzetan eginiko lanaz gain, udal liburutegiek hainbat jarduera eta ekimen egiten dituzte irakurketa sustatzeko helburuaz. Horien artean Letren Terrazak (Udako Liburutegiak) eta Liburu Azoka nabarmendu dituzte tokiko arduradunek. Jarduera horiek 33.000 eta 30.000 lagun inguru erakarri zituzten, hurrenez hurren. Halaber, beste ekitaldi batzuk ere antolatu zituzten udal liburutegiek, hala nola Kontularien Kluba, literatura tailerrak, olerki-musika emanaldiak eta eskola bisitak. Horiez gain, berriagoak diren beste batzuk aipatu behar dira, esaterako, Bigarren Eskuko 2. Liburu Azoka. Bertan 10.000 euro baino behiago bildu ziren Ekuadorren proiektu solidario bat gauzatzeko. Iaz ere, Munduko Egunkariak ekimena abiatu zen lehenengo aldiz.
Maileguek eta erabiltzaile kopuruak gora egin dute Getxoko udal liburutegietan
"Emaitza onak lortuta" utzi dute atzean 2008. urtea Getxoko udal liburutegiek, tokiko arduradunek nabarmendu dutenez. Euren hitzetan, "iazko kanpainaren balantzeak argi eta garbi erakusten du zerbitzu horrek erabiltzaileen artean duen arrakasta". Zehaztu dutenez, maileguei dagokie daturik esanguratsuena, aurreko kanpainaren aldean %20ko hazkundea egon baita. Horrela, 2007ko 71.900 maileguetatik 89.000etara pasatu dira. Bestalde, erabiltzaile kopuruak ere gora egin du: 220.000 lagun igaro ziren liburutegietatik eta horiek antolatutako jardueretan parte hartu zuten, 2007an baino %15,7 gehiago. Kopuru horretatik, 154.000 pertsona egon ziren liburutegietan eta gainerakoek liburutegi zerbitzuak antolatutako ekimenez gozatu zuten: Liburu Azoka, Bigarren Eskuko Liburu Azoka, Letren Terrazak, eta abar. Argazkian, Liburu Azoka Algortako Telletxe plazan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun