Gaur egun, 2,8 milioi biztanle ditu Buenos Airesek. Gainera, metropoli eremura 10 milioi pertsona baino gehiago heltzen dira. Hori dela eta, hirian bidaia asko egiten dira. Horien erdia garraio publikoaren bidez, egin ere. Buenos Airesko metroak 53,7 kilometroko sarea dauka, eta 1.400.000 bidaiari baino gehiago eramaten ditu egunean.
Metro Bilbao garraio enpresako azpiegiturak bisitatzen ibili da gaur Argentinako hiriburu Buenos Airesko garraio publikoaren arduradun nagusiak. Horretarako, Miguel Ortega eta Julio Ibarra tokiko metroko arduradunak izan ditu lagun Pablo Bereciartuak. Bisitaldian, Aginte Mahai Nagusia eta ardatz nagusiko geltoki batzuk ikusi dituzte. "Buenos Airesko ordezkaritzak Metro Bilbaoren kudeaketa ezagutzeko interes handia eduki du; bereziki azpiegitura berriak, ustiapen metodoa eta finantzazioari dagokionean", azaldu dutenez. Une honetan, garraio publikoaren sarea hobetzeko prozesu batean murgilduta dago Argentinako hiriburua. Buenos Airesko Gobernuak lurrazpikoen sarea zabaltzeko asmoa dauka. Egungo sareari F, G, H eta I lineak gehituko dizkio. Horrela, datozen urteetan 40 kilometro gehituko dira; 56 geltoki berri, hain zuzen. Sarearen zabalkuntzari esker, 1.100.000 bidaiari gehiago izango direla aurreikusi da. Argazkian, ezkerretik eskuinera, Jose Miguel Ortega Metro Bilbaoren Ustiapen zuzendaria, Olatz Candina Komunikazio eta Kanpo Harremanetarako burua, Pablo Bereciartua Buenos Airesko Gobernuaren Azpiegitura zuzendaria eta Julio Ibarra komunikazio eta Marketin zuzendaria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun