Algortan hainbat laguni egindako erasoaren ustezko egileak identifikatu dituzte

Getxoko Udaltzaingoak, joan den asteburuan, Algortan hainbat laguni egindako erasoaren ustezko egileak identifikatu ditu. Udal iturrien arabera, lekuko batek eta erasotako lagunek emandako datuei esker jakin dute, ustezko erasotzaileek ihes egin zuten autoen jabeak nortzuk diren. Gertaerak igandean, otsailak 8, jazo ziren, 3:50ak aldera. Bertaratutako udaltzainetatik batzuk zaurituekin geratu ziren, Gurutzetako ospitalera eraman behar zituen anbulantzia heldu arte. Bitartean, beste bi patruila autok ihes egindako ibilgailuen bila hasi ziren. Lehenik eta behin Renault Clio autoa identifikatu zuten; eta Nissan Vanete furgoneta grisa ondoren, udaltzainekin zihoan biktimetako baten laguntzaz. Aipatu datuok epaileen esku utzi dituzte, salaketarik egotekotan. Argazkian, Getxoko udaltzainen autoa errepidea mozten.