Itzubaltzeta / Romoko Gobela kiroldegian duela gutxi errentan emandako 231 aparkalekuak erabiltzen hasi dira jada auzotarrak. Orain urte bete inguru salatu zuen Getxoko PPk, parkinga 2005eko udaberrian zabaldu zutenetik, "29 toki baino ez" zeudela beteta. Saldu beharrean, alokairuan eskaintzea erabaki zuen orduan Udalak. Gauzak horrela, jasotako eskabide kopurua -300dik gora- uste baino handiagoa izan da eta "horrek erakusten du ekimenak oso harrera ona izan duela", tokiko iturrien arabera. Imanol Landa alkateak adierazi duenez, “izan duen harrera aparta izan da eta itxaropentsu gaude. Dagoeneko aparkaleku plaza hauek bete dira eta aurrerantzean Romon aparkatzeko leku gehiago izango da, arazoa arinduz". Getxoko Udalak emandako datuen arabera, aparkatzeko 1.161 toki dago Gobela kiroldegia, Santa Eugenia, Mesedeetako Ama eta Santa Anako parkingen artean. Landak nabarmendu duenez, "oso urrats garrantzitsua eman dugu Romo eta Areetako bizilagunei aparkaleku eskaintza ona egiteko”. Argazkian, autoak Gobela kiroldegiko parkingean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun