Sopelako “Maite Maitea” Maitasun Gutunen V. Lehiaketako sari banaketa heldu den larunbatean egingo da, otsailaren 14ean, udaletxeko sarreran. Ekitaldia arratsaldeko 7etan hasiko da. Lehiaketak bi kategoria ditu, gazteena eta nagusiena. Halaber, kategoria bakoitza bi mailatan banatuta dago. Horrela, gazteen kategorian 12 eta 15 urte bitartekoak daude alde batetik, eta 16 eta 18 urte bitartekoak bestetik. Bere aldetik, nagusien kategoria, 18 urtetik gorakoak eta 60 urtetik gorakoak bereizten ditu. Sariei dagokienez, gazte kategorian, ezusteko oparia jasoko dute irabazleek, opari hori desberdina izango da adinaren arabera. Bien bitartean, nagusien mailan, bi pertsonentzako afaria irabaziko dute eta eguna irabazleak berak hautatu ahal izango du. Argazkian, Olatz Vazquez gazte sopeloztarra saria jasotzen iaz, Leire Basauri Aisialdi, Kirol eta Gazteria eta Kultura zinegotziaren eskutik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun