![](http://farm4.static.flickr.com/3285/3284997396_4b3f09a70f_m.jpg)
Uribe Kostako Amnistiaren Aldeko Mugimenduak
Etengabe bitakoraren bitartez jakinarazi duenez,
Eugenio Gutierrez Salazar “Tigre” errefuxiatu leioztarrari egingo diote omenaldia igande honetan, otsailak 22. Izan ere, GALek erail zuenetik 25 urte beteko dira hiru egun geroago. Horrenbestez, 13:00etan lore eskaintza egingo zaio Leioako hilerrian eta, ordu erdi beranduago, Tigre plazan dagoen oroitarrian loreak jarri eta ekitaldi politikoa egingo da bertan. Gutierrez 1984ko otsailaren 25ean hil zuen frankotiratzaile batek, errefuxiatu talde batekin Zuberoako Idauze-Mendi udalerriko baserri batean zegoela. Euskara ikasketen atsedenaldian baserriaren atarira irten zenean buruan tiro bat jaso zuen eta bertan gelditu zen hilik. Hilketa GALek erreibindikatu zuen, baina orain arte inor ez da akusatua izan bere heriotzagatik. 29 urte zituen leioaztarrak. Argazkian, igandeko omenaldiko kartela / Etengabe.